

Lvpat taq vchvk we Shanshér karū
1, Shvre dvkùt vhǿm Shira we rvtø̀ nonggø̀n lú shi lv́m chyøm ciq nø,
∆ (shvg 91:15)
A:ngí Ngà svng ègōng dvgvp, Ngàí ang kaq vtv́nlv́m íe. Shàngrè dvgvp Ngà nø ang nvng tiqdø v̄l nø, ang svng Ngàí shvlutnò nø, vpǿ shvring lv́m íe.
∆ (Yem33:3)
Ngà svng ègongà, Ngàí nà svng vtv́nlv́m íe. Nàí mèsháò we rīng nø jór nònggùn v̄l nø gúng mvtǿm shìrì dāng Ngàí nà svng dvtānlv́m íe,’ wae.
∆ (Esaya 43:2)
Tìrì taq namaq èlé shìnøng nìgø, Ngà nø namaq nvng tiqdø v̀llv́m íe. Rvmèrì taq èlé shìnøng nìgø mèlángkē lóngnøng; svmi èlé shìnøng nìgø mènuqkē lóngnøng. Svmi mv́là:mí gø mènàkat lóngnøng.
2, Dvshà mvhøt we vhøm shi rā dvgvp,nònggùn lu shi lvm chyøm ciq ri,
∆ ( Shvg 55:22-23)
Nà døngjá nø Gvray gvsvng yv́ng dènangshì. Wekvt A:ngí nà svng tūèbùm daqe. Shanshér rì svng A:ngí kadvgvp gø vjunshì màdvzá:rò.
Iwe Gvrayá, Nàí wárì kaq nø vrø̀l vcatlv́m dòngjø̄m svng dèjá bǿòe. Sv̀ng shvwi shvyǿòrì nvng yùmvm rìí nø, Ang cúnshì vdū lvpat tiqkā gø mvrǿn lú:no.
∆ (1Pitèr 5:7-8)
Namaqò gónggilv́m rì shvngbe Gvray kaq tèlenøng. Kadø íe wani Ang nø namaq svng mvkok dvdí pè íe.
Nøt shèriqshinøng; pán vshat nàngv̄rshìnøng. Namaq svng vtù pè cáng nø, vhvpshi we kàngkì dø̄, tiq gǿgǿ svng naq lúnlv́m dvjv́mshi nø láòe.
3, zø̀ngri we vhǿm shi rá dvgvp,nònggùn lu shi lvm chyømciq ri,
∆ (Shvg 34:19)
Døngman vsvng nø dvshá dvki vhǿ:mò we luqe. Inìgø werì shvngbe taqkèní Gvray gvsvngí shvlu:tnòe.
∆ (2kor4:17)
Kadø íe wani tiqlvngcè dvpvt wa dvshàì lòng nø nøngmaq dvpvt shvbóng mvtǿmshì we, dvciq lvpat ngø̀rdvgùng nàpoa lú:ngìe.
4, Diqdv́ng vsvngí ziplá rvtø̀,nònggùn lu shilvm chyøm ciq rì,
∆)(1Pitèr 4:12-15). Shóngshøng rìé, namaq svng nàløtnøng nø dèshànøng dvgvp, dàlv́m tiq pv̀n í ra dø mènàtiq nøngni. Namaq nø Kristu dvshà mvhøt rì taq mvngú nàdunøng rvt dvbùlv́m wa dèdutnøng. Wekvt nø Kristu dvgùng dvtan daqò ni taq namaq gø dvbùlv́m vtv̄ng lúnlv́m íe. Kristu bø̀ng rvtnø zer we namaqí nàhǿm bǿnøng nìnø, ìshøt ìgv̀n èlúnnønge. Pàwálv́m wani, Gvray Ang ngø̀rdvgùng nvng Pvlàcè nø namaq nvng v̄le. Wedø ínìgø namaq dvhø̀ taq, vsvng shvt vsvng, kø̄ vsvng, mvgv̄m màshvla we wā vsvng nvng vsvng bv̀nlì dāng gvzv̀m vsvng wáshì yv́ng kèní dvshàlv́m vhǿ:mò we tiq gǿ gø laq màvl.
5, Lvpat taq mvrà vroq a we rà rvtø̀
∆ (1Yh 1:9)
Nøngmaq mvràrì nøngmaq vchángshàì kvtnø, nøngmaq mvrà èchutnāì nø, nøngmaq mvdø̄ng mvmā:nì we í dv́ngte svng dvshv̄ngālv́m Gvray nø kv́mv́m vrv̄m nø døngman pè íe.



