

Mēmàmè Lòngzàpè dvzū:nò we
Vkangpè nvng coqcv́n rì nø, Nain tøo we mvring kaq svng mòngka dvshvng sórí gòngá:m ya:ngì. We rvtø taq Nain nø cv́m vtv̄ng we mvringce íe. Wamà svng gòng lv́m tiq hwáng wa vle.We mvring gòng chit taq Vkàng pè nvng coqcv̀n rì nø memàmè o ang cè pè shi vnàng baq vtnà we svng vhómòe. Nøt dvt nøt yòr lv́m vhømo lòng svng yv́ng lún shi e.
Lòngzà tiqgø shi we nø angmè nøtshǿm mvlún shi we nøt yòr lv́m lòng íe.we rvtø taq angmè tiq gø taq angce mv-v́laò we nø gvzà vli shi we nøtdvt nøt yòr lvm lòng íe.gvza luq we mvring cerì nø ngv́n shi we memàmè ò nøt dv shà nø yòr lv́m rì svng nøt yòr dvbv̄ng nø mvré zā ò we nøt taq kení memàmè svng vrā ò nø shi vnāng svng shá dvbā:ngòe.
Vkangpè nø memàmè svng yv̀ng bø a kvt gvzà mvréza yv̀ngà. Angmè svng dvkù:moe lòngzacè tiq gø sǿm we nø angmè dvpvt lvpvt Shvngbe søm pà dø íe.
We rvt Vkàng pè nø memàmè ò angcè pè svng dvzūnā onø ang mē kaq svng ap ya:ngà. Wedø bøn we tvrà nø vnàng shá nvng zv̀n ya:ngì we angmaq dvpvt nø kv́m lv́m dø mø̀í ya:ng.Svre vdv̀n nø Gvray kaq shvring ya:ngà. Vkàngpè nø shìdù pè svng jòr pè angkang í we dang bøng shvng ya:ngì .Vkàng pèò shvngka nø Yudá móng køp nvng wegùr høm høm rvgaq taq vshèr ya:ngì.



