

Noqngø̀m Tø̀ngnø vrá tiq kvt dvshè:rò we
Shvngbe svng Pamvra. Dèni nø November shvlá (20) ni nár bunga ni svng gòng bø’shà. Desháng dvdvm vjáng nø nònggùn lùshì lvm Gvray móngkà jømciqrì Luka 19:45-48 ciq vdòng taqkèní íē.
Noqngø̀m Tø̀ngnø vrá tiq kvt dvshè:rò we móngkà mvshøl taqkèní íē. Mongkà tiqdùng vzàng røshì lvm wàì.
Yesu nø noqngø̀m Tø̀ngnø vdòng svng gòngá:mì nø, weyv́ng dvrè nv̄mshì rì, wvnshi rì svng lúng pà:ngò nø, angmaq svng, “‘Ngà chø̀m nø jurøt chø̀m mv̀ng wá ràe,’ wa nø vrūshaq í we, namaqí nø tø̄lv́m rì angdv̀ng lè í dèzv́r bǿshà,” a:lòe.r Tiq ni nø tiq ni Yesuí nø noqngø̀m Tø̀ngnø taq shvngø:tnòe. Iwe shvrúngshú vjìrì nvng dvrá svra mvdò nvng bashà dvhø̀ taq shaqré shaqtvng mvdòí nø Ang svng shvtlv́m tvrà láòe. Inìgø bashà rì shvngbe nø Yesu kà svng tā rvtnø Ang svng shvtlv́m tvrà angmaqí lá mvlú:nò.
Vpø’ íwe pèmè vnvmchvngmaq,..Dèni rø vdu we Mongkà tiqciq, Dvtán10: 8-11 ciq taq, Nøngmaqò Nønt mvsøn vdòng svng Pan vshat dvzvrè. Muqlàng dvzv́r gǿ wur kèní kàru rvdulcè ngàí lòngò nø v́m bǿngà kvt, ngà nònggøp taq nø kwátì pàdø kí nigø, lùvm bø:ngà dvgvp nònggøp taq nø, kwátì dø kí nìgø ngào puqwá taq nø kāvme,” wàwe Kàru rì nø ring nø vpø’ we àng lvjøm svng dvtánòe. Gvray gvsang nø nøngmaq nvng Kà shø’nè. Gvray gvsangò cúnshì we móngkà svng nøngmaqí tálúnìe. Vkvtdø tálúnì we vjú jèjú rvt, Nøngmaq ínø Nønt shvløm lòng nvng mongzøl lòng vtoshì lúnìe.
Íni gø Nøngmaq nø, Gvray gvsangò Cúnshì we Mongkà vl dø tiqdvchá Cúnshàì dvgvp tiqkvt la kvt dvshà mvhøtlvm, v-tu vrè vgám lvm rì mvmè vhø’m v-dùe. Íni gø Gvray gvsang nø nøngmaq nvng tiqdø tvpwa vl rvt, Nøngmaq nø kapà dang taq íni gø svrē mvrà. Shaqcvm mvra. Gvray vdòng taqø Kvmnøntní Nøntshøm dvbù taqsórí Cúnshì nø nònggùn kūnga lùshì laqlúnì wvng dvshat nø nònggùn zí mvyø’è shvngbe svng oqā.



