

Vshuqrì svng gv̀msùng tvlēò we kàshvbóng
Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Nov-18-26) ni labán vshøm ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø
Deni mòngkà taq Zakiu nvng vhøm dángí Kàngpè Yesu Yerusalam svng angmaq tuqlvm wáshì dvgvp Gvray móngdàn nø cancan ni būnglv́m dv́nshì pà íe wa bashà rìí dvda:mòe. Wervt Vshuqrì svng gv̀msùng tvlēò we kàshvbóng taqkení Gvray móngdàn nø rvwe lvngchà vlwe dang svng dvtvn bø’à.
We kàshvbóng taqkení Gvrayí nø vsvng vrvm svng jèjú ìshøt gømpaq vzíshaq dang, we jèjú gømpaqrì svng vráng nvng mvzv́n vpo lúnshì høq dvzaqsìlvm dvshvt we íe. Angkàng pè svng serē nø pà gø màwáshaq vlwe vshuq vchøm gø wa gø svng vyáshìlvm dvshvte. Vsng tiqmaq nø sø’mlvm serēe, tiqmaq nø vlélvm svng serēe. Wervt nøngmaq vhánglvm dang svng serē we dang vyáshìlvm dvshvt we íe.



