Pope Leo XIV Vatican taqø àngò shiqshv̀n tvrà dvpvt nvrshì lv́m ínø̀ àngwà náni rvtø̀ rìtaq gø vjúrøt Mass núngkùng vjúrøt tvyø rì wáshì lv́m íwe dang vtàng bǿà we
Pope Leo XIV Vatican taqø àngò shiqshv̀n tvrà dvpvt nvrshì lv́m ínø̀ àngwà náni rvtø̀ rìtaq gø vjúrøt Mass núngkùng vjúrøt tvyø rì wáshì lv́m íwe dang vtàng bǿà we
Svrabín koqkv́mpè Leo XIV nø Apostolic Palace taq àngò góng mvshiq mvshv̀n we tvrà dvpvt ngéshì nø cì lvjángshì bǿì mèpvng shagóng shiqshv̀n tvrà dvpvt Castel Gandolfo chø̀mdø̀ngmè taq nvrshì lv́m ínø̀ Sasvna zaqlè tvrà rì tiqlvng nvr lv́m ínø̀ dèni October 21 ni taqgø shvngø̀mré vsvngrì nvng vhømnø dvmv̀n lv́m tvrà rìgø vlwe dang vrìngvtnà we íe.
October 13 ni taq Pulmonary Adenocarcinoma wawe rvshú záyv̀ng vhǿm bǿà we rvt Pope Leo XIV nø cìróng taq 5 ni døp cì lvjángshì vdu bǿì we ínø̀ October 17 ni taq Gemelli Hospital cìróng kèní lo ráì we íe.
Vatican shvngkà dvp kèní dvtú we shvngkà taq ya lvbán vdòng St. Peter’s Square ngoqngø̀m tø̀m taqø shvngø̀mré vsvngrì nvng vhømwe tvyø svng gø wáshì lv́m íwe dang dvtú shaq íe. Pope Leo XIV taqkèní Popemobile modo nvng shvngø̀mré vsvngrì kaq vriq nø̀ vtoshì lv́m íwe svng gø shálún shìe.
Yadø íwe shiqshv̀n tvrà rvt Pope Leo XIV ò dvbùshvng tvrà nø cvnwa nvr vdu v́:mì we svng gø vrìng bǿà we íe.
October 27 ni taq Assisi myuq svng dvbùshvng zaqlè tvrà dìlv́m íwe tvyø dvpvt gø kadø ílongwe svng mvsháshì, Pope John Paul II lvpat taq nv̀mlat wáshì yv̀:ngì we Spirit of Assisi ò 40 nǿng gøm tvyø nvng St. Egidio Community kèní wáshì lv́m íwe Unarmed and Disarming Peace bóy tvyø svng gø wá mvlún bǿà we dang dvtú bǿà we íe.
