Pope Leo XIV taqkèní Gvrayò ngór dvgùng nø bashàrìò síngrv́l nøt, rvwvl nøt rì mvdàm téwa vháng we dang dvkám we

Mvrà dǿng taq v̀:lì we bashà vsvngrìò dvdam nøt wálún we kù:ngà rì mvdàm Gvray àng ngór dvgùng nø téwa vháng we ínø̀ dvsháza shóngnøt gø dv̀nzø̀ng we dang dvtú bǿà we íe.

Bashà vsvngrìò lún vpǿwe zìdang kèní téwa àngí ìshøt jejúrì èzíì we dang bìm kùlwàng taq bv̀nlì wawe lv̀ngzvng kàshvbóng kèní dvtú mòngkà vtàn bǿà wegø íe.

Tasvng mvnúr nøt, rvwìng we tvrà rì dvpvt shvrà mv-vl, kám vsvngrì vdòng taq tasvng rvwìng we, mvnúr we nvng mvdøng mvmvn we tvrà rì svng gur nø Gvray àng tvrà taqkèní ìshøt jejú rì svng vtoshì lv́m dvzaqshì ràwe dang dvtú bǿà we íe.

Pope Leo XIV taqkèní Gvray àngò dvlàrì nø nøngmaq bashàrìò lvpat dvpvt ìshøt jejú rì bǿnlún vtoshì lúnlv́m dvpvt gø Yesu àngmè Mari yv́ng kèní gø dvtit tvle vjúrøt dvzaqshì lv́m shvdǿm mòngkà kèní vtàn bǿà we íe.