Pope Leo XIV taqkèní Vatican móng gvr cìl dvp dvpvt Missa vjúrøt núngkùng wáāò we
October 3 ni taq Pope Leo XIV taqkèní Vatican móng gvr cìl dvp dvpvt cìl dvp svng gòng ráì we cìl àngshvr 15 gø svng vtoò we tvyø nvng Lourdes Grotto taq Vatican Gendarmerie dvpvt Mass vjúrøt kùng svng wáà bøà.
We vjúrøt kùng taq Pope Leo XIV taqkèní mónggvr cìl dvp kaq mónggvr we bvnlì mvtú rì nvng vdèò dvkámshì shaq bvnlì døngjárì dang nvnggwòn zi mòngkà kèní gø dvkám bøà we íe.
Mónggvr we cìl dvpò bvnlì døngjá ri vsvngrì nø Gvray kaq kámnøt tvrà vdòng kèní vdu vbóngwe dvrá rì nvng mónggvr we bvnlì tvrà taq dvzaq dvkángshì ràwe nvng móng vsvngrì kaq shóngnøt gvlshìnø Gvray dvpvt gø svkse wáshì lvm dvkám bøà we íe.
Mòngkà taq vrushaq íwe bìm kùlwàng taq bvnlì wawe lvngzvng rìò kà shvbóng kèní vdèò bvnlì døngjá mvdàmø gø bvnlì àngkàg íwe móng vsvngrì nvng vdèò móng mvdàm svdiq døng dvzaqshì lvm dang kèní shvdøm mòngkà nvng nvnggwòn ziwe mòngkà kèní dvkám bøà we íe.
Uesu Kristu ò bashà rì kaq mvrà døng kèní shvlut we àng lvpat tvrà svng dvdam shàì nø dvsháza shóngnøtí cipshì we nøt laqyà rì nvng dvzaqshì ràwe dang dvkám bøà we íe.
Mónggvr bvnlì tvrà taq ripwe vsvngrì wawe nø mvdøng nøt mvsøn shèr we nvng nvnggwòn kùngàzaqweí móng gvrlvm mòngzøl we tvrà svng töng dvzaqshì lvm nvng riqgø nvng tiqgø dvhø Kristu ò shóngnøt, àngnvm àngchvng shóng nøt gvlshì lvm dvkám bøà we íe.
Cildvp svng àngshvr gòng ráì we vsngrì kaqgø shóngnøtí tubúm dvbangā kelvm nvng tasvng vjúrøt dvbangā kelvm tvrà rì vchvk we dang dvkám bøà we íe.
#Vatican #PopeLeo #VaticanNews #Catholic #SaintMichael #VaticanGendarmerie
