Rvcv́ngcè rì kaq mvwv́m shi ri

Roma vsvng rì ínø rvcv́ng cè rì kaq svng móngzø̄ng cè svng shvlá wá nø mà dvdùt ya:ngò. Angmaq svng móngdano pō shi we vsvng rì wá nø yv̀ng ya:ngà. Shvngø̀m ré tiq lòng wá Jò e wa nø dvgá pūng rì nømvjò wá nø dvshá dvré dvcø̀ òwe wà ya:ngà.

Rvcv́ngcè rì kaq svng mvwv́m shi we ang mvtú nø mvwv́m shi rì nødvgá pūng taq dvzaq shi nø v́m aq vsvng rì íe. Angmaq nø mvnoq shi rì dvpvt pvrà hāng wà owe ,shvrúng núng pà wá lv́m rvt nø vshā nvng dvgá dø ang pv̀n pv̀n lv́ng lv́m pv̀n rì wà oñø nv̄m shi rì íe.We kvt noq shi we rvcv́ng cè rì vshèr lv́m lòng svng nvrø̀m būm we í noq shi rì kaq gvsat shvmv́ng lv́m rvt kà gǿ mà gǿ dvbv̄ng lv́m dvlú dv gǿ shi e.
Rvcv́ng cè rì svng shvyǿm lv́m rvt ang pv̀npv̀n shø̀n ya:ngì.Rvcv́nce rì mòng zø̀l we shvrà taq dvkǿm shi nø noq ngø̀m lòng svng mvshá ò rvt nø rvcv́ng cè rì kaq svng vJàng laqyà tìn gvyaq shia:mi wa nø nā á:m ya:ngà.
Móngdan kaq svng gø̄ vtù ò rì íe wa nø mvrà shvrí ya:ngà. Zìnlì ang pv̀npv̀n nvng dvshà lv́m ang pv̀npv̀n vhǿm Shira kè rvcv́ng cè rì kaq svng mvrà shirí we wà ya:ngà. Rvcv́ng cè rì í angmaq ò sáng gvray kaq svng mvnoq ò rvt nø angmaq ò sáng gvray rì shv̀mná rí we íe, wā nø shøn ya:ng ì.