Yesu Kristu kaq svng Nazaret myoq yv’ngø matōò we
Mati 13 :54_58.
Kristu vdòng taq Vpø’ íwe pèmè vnvmchvng, Shvngømré rvzvngcerì shvngbe mvdvm Gvray mongzøl lòng laqtuqdaq.
Rvtø vrvm Gvray jèjú svng mvngú lúnì dø tiqdvchá, Rvtø vrvm Cúnshì we Gvray gvsang móngkà svng tashì nø nònggùn kūnga lùshì lúnì lòng gø Gvray gvsangò Shvmv’n jèjú Gønpaq tiqlòng íe.
Dènio Mati Gvray dvbùshang Mongkà taq Yesu Kristu kaq svng Nazaret myoq yv’ngø matōò we tvrà svng Mati 13:54-58 ciq vdòng taqø yv’nglúnshìe. Àngmaq nø, gvzà dvdvm vtiq taqsórí “Yapè nø yadø í we zitnøt rálnøt nvng dvdv̄m vtiqlv́m bv̀nlì wàlv́m jórnònggùn nø kayv́ng kèní lú:nòe ma? wā vrung long svng tálúnshìe. Vpø’ íwe pèmè vnvmchvngmaq, Kà mvlaì vl dø tiqdvchá Kàru tiqbok Mvr kù:p svng yàngì taqsórí kaciq rvt mvshvla. Mvdvm shvlece
wa yv’ng taqsórí kaciq rvt v-du bø dvgvp, Mvra te lòng svng nøngmaqí wá v-du vmè. Wedø tiqdvchá Nazaret myoq taq vl vsvngrì shvngbe ínø, Yesu Kristu kaq Mesia Chvngkangpè ku mvyv’ngò, àngmaq nvng vshá kè Vsvng tiqgø’ dø wa dvdutnò nø yvngò lòng svng, vtoshì lòng svng yv’nglúnshìe.
Vrá nø, Vkangpè Yesu Kristu mvdvmø Dø’ngvng we Kvmnønt mà-vl lòng nvng Chutchvng Gvray ku màtoshì, Wervt nø, wè shvra taqø Dalvm gømlā pà tiqlòngce gø ma dvtán yangò tvrà yv’nglúnshìe.
Kristu vdòng taq Vpø’ íwe pèmè vnvmchvngmaq, Gvray gvsangò Cúnshì we móngkà nvng Jèjú ìshøt rì nø mà:p lòng í shø’ò we Nønt mvsøn vdòng kaq svng kadvgvp gø gòng lv’m mø-í, Gvray gvsangò jèjú ìshøt rì gòng lv’m gvzà rvzaqè walòng svng vkvtdø shálúnshìe, shèdø’mì we móngkà íe. Mongkà tāshà íwe gø’ vrvmì Gvray mongzøl lòng vtoshì laqlúnì shvngbe svng Pamvra.
