“Yesu tv́n tiq kvt di daq we”
Shvngbe svng Pamvra! Kristu vdòng taq Vpø’ íwe pèmè vnvmchvngmaq Dèni November shvlá (12) Nár vbì ni svng gòng bø’shà.
Desháng Pvlàcè nònggùn lùshì lvm Mongkà nø Luka 17:20-25 vdòng taqkèní íē.
“Yesu tv́n tiq kvt di daq we”
Mongkà tiqdùng vzàng røshì lvm wàì.
A:ngí rá coqcv́nrì svng, “Namaq nø Vsvng Angcè Pè angni rì taqò tiq ni svng yv́ng mèyǿnøng nìgø yv́ng mèlún lóngnø̀ng we angni tuq rae. 23 Wedvgvp vsa:ngí namaq svng, ‘Eyv̀ngnøng, kuyv́ng íe;’ ‘Yalà, yāyv́ng íe,’ èv̄lvtnøng nìgø, mèbúngnøngni, angmaq mèpvng gø mècv̀nnøngni, a:lòe.
Vpø’ íwe pèmè vnvmchvngmaq,
” Gvray gvsangò móngdàn nø Namaq dvhø taqni vlē.” Yesu Kristuò Dvrá móngkà rì dvpvt, mvdøng mvpvng nø Gvray gvsangò móngdàn tvrà dvpvt le íē. Muqlang móngdàn nø yv’ng lúnshì we gømlā rì taqkèní tuq lung we mø-í. Íni gø, Gvray gvsang móngdàn wàwe nø Døngman we nvng Shànshér Pvlàcè vdòng taq mòngzø̀l we nvng dvbùlv́m lòng lè íe, wàe.(Roma 14:17) Yesu Kristu nø Muqlang móngdànò ‘ Value ‘ døni cvndvgøm nø cúnshì pè íe. Yalòng mvnggá taqkèní wā “Gvray gvsangò móngdàn nø Namaq dvhø taqni vlē” wā Yesuí angdèo tvrà svng mvyincè í dvtánò lòng íe. Nøngmaq nø Gvray gvsang angcø angcèrì wáshì mvyø’ì nìnø Vkangpè Yesuí shvngøt dvtú we mvdvmø angdè tiqgóng kèní cvndvgøm nø dvtàn we ‘Value’ dø tiqdvchá Nøngmaq gø cvndvgøm nø cúnshì ra íe.
Vpø’ íwe pèmè vnvmchvngmaq,
Gvray móngdàn nø namaq dvhø̀ taqni v̄le,” Luka (17:21) taq Vkangpè Yesuí shvngøt dvtú dø tiqdvchá Døngman lòng svng Cúnshàì we lvpat taq rvzvngshì nø cvndvgøm cúnshì laqlúnì! shvngbe svng Pamvra.
