Zong nvng Shvlēba ang lvjøm
Shvngbe svng pamvra wànge. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Mati 13:36-42
Deni mòngkà taq nø Kàngpè Yesuí Zong nvng Shvlēba ang lvjøm taqkení vrá dvshvte. Nøngmaq cúnshàì we rvgaq mvdvm taqø shvla we dang nvng màshvla we dang vldø tiq dvchá, shvla we vsvng nvng vsvng mvgām, laqyà shvla we vsvng nvng laqyà màshvla we vsvng vlwe svng vsvng vrvm í vtoìe.
Wedøni tiq dvchá shvla we svng gvyaqlvm ngvnshà nø nvmlat kení v’lshaq íe. Deni mòngkà taq vsvngrì yøp dvgvp ngv̀nshà pè dì ráì weí, zōng dvhø̀ taq shvlēba wø̄:nò dá:ngí loá:mì wae. Rvmá taq dvyø̀ shvlá wø:nò nìgø Zōng dvhøø Shvlēba wønò wenø cáng zàdan íe.
Wedø ínìgø nøngmaq nøt cvm mvrà, vlø’mshìlvm kùngà angshvr Gvrayí ziwe lvpat cúnshàì nø shvla we bvnlì taq dvzaq dvkángshàì weí nøt mángshør nø cúnshìlvm wàì. Lvngdøm angni taq nøt mángshør rìnø Gvray chøm taq nàm dø lànggálvm ílonge wa Kàngpè Yesuò mòngkà taqkení nvnggùn kùngà lūshìlvm waì.
