Mvrà chutna sháò yvng kení, Mòngzøl lvm lòng kaq lá lú:nòe Cvmrérì

Mvrà chutna sháò yvng kení, Mòngzøl lvm lòng kaq lá lú:nòe Cvmrérì
Mvrà chutna sháò we nø Gvrayò nøt mvsøn nvng vbóng we svkse tiq long íe. Tiq kvt kvt rvmnvng rè, angnvm angchvng rè møínì dvgá vsvng rìí vdè kaq nøt dvshá dvzvr we, shvmná rí dvzvr we vl sháò.Wedø í we rvtø taq shvmná rí lvm tvle nø mvrà chutna sháò we nø Yesu Kristuò shvbóng shvmvt shi lvm lòng svng cvn lún we íe.

1.Mvrā chutna sháò we nø, Yesu shóngnøt kaq svng dvtan lún we íe.
2.Mv wvmshì nø shvmná èrí we mvdvm, mvrà chutna lún we long nø, nøt shøm mòngzøl lòng kaq lún dvzvr we íe.
(Kiloshi 3:13) Namaq tiq gǿgǿ dvhø̀ø nøt vyv̀ngkélv́m la vl nìnø, tasv̀ng nàtø̄nakénøng. Vkàngpèí namaq mvrà èchutnānø̀ng dø tiqdvchá, namaq gø tasv̀ng tàlē mvrà nachutna kénø̀ng.
3.Mvrā chutna sháò we Cvmré nø lāmboq ri nvng dervp vdòng taq vdū vbóng dø vzøm vzvp shá shì nø, vl gø shá shì longe.

4.Gvrayí nøngmaq svng vzvng mvrà echutna bøshà rvt nøngmaqí gø dvgá vsvng rì kaq mvrà chutna vdue.
(Mati 6:14-15) Vsa:ngí nàlévtnøng we svng namaqí èchutnānø̀ng kvt nø, muqlàng taqla:pmò namaq Nvpèí gø, namaq svng èchutna daqnø̀nge.
Cvnshilvmdang
1.Rvmnvngrí í Kà shøn vléò ni nø , chàng màtvnshì shaq echutnao, tvle meteqshì ni.
2.Angnøngnvm kaluq vshvtlvm vl long kvt vrvm vrá lvm dezaqshi.
3.Ni vrvm Gvray yvng keni mvrà chutna lúnlvm nøtmvsøn zílvm vju erø:tnò.
4.Mvrà chutna we nøtmvsøn nø Gvrayò shóngnøt kaq svng shvlá vtvng dvtān lun we bvnli ie.
(Epesu 4:32) Namaq nø tasv̀ng tàlē mèkokkénøng nø, bvngmvnǿ kø̄n we nøt èv̀lnøng sórí, Kristu vdòng taq Gvrayí namaq mvrà svng èchutna bǿshà dø tiqdvchá, namaq gø nàchutnakénøng.