Cvmré Lú Maneshi We Døngkuri Dvpvt Gvray Mongkàí Dvtú we dangri

Cvmré lún mvyø we,lún màmvyø we nø Angni cvma vní gø jurøtshi we,dvdvm we nvng vzvng kaq wá rà bunli nvng sing nø kvciq rat we bvnli tiq long íe. Ínìgø,rvcvngcèré ku ke ní nø Gvray Gvsvngò Ang nøt kaq shuplá nø Kaciq rvt vdu e.

1.Angcø angce rì nò Gvray shvmán jéjù íè.
(Shvgun zaywa 127:3). Eyvngnøng, Cvmrérì nø Gvray Gvsvng rvl we zaqshøp íe. Cvmré rívm we gø Gvray Gvsvng zí we gønpaq íe.
*Mongka ku kení nø Cvmré vdá we nø, vlishi we døngjá mø:í, shvmán jejú tiq long íè, wa nø yvng lún shi e

2.Kaciq mera:tnò vzvng, Gvrayò nøt kaq svng eláò.(Kàshvgøp 16:3) Nàí èwào we kapà ínìgøGvray svng tèleò,wekvt nà gvcvtrì svng A:ngí shèbønnā daqe.Cvmré mvlushi we nø, gvmsòng dang,shiqshan dang, bvngli dang, møí nì nø dvgá tvrà rì rvt í vduè.Wedø í nì nø, Gvray kaq júrøtshì nø paq zí røt shì vdū e.

3.Angní Cvma vní gøò nøt vrálvm vl ràe.
(Amos 3:3) Vsvng vní gø nø angní nøtvrá we møí kvtkèní nø tiqdø vcvn long e ma?Cvmré lushi, mvlushi tvra nø angní cvma vní gøò nøt vrá nø kaciq rvt lvm vchuk we bunli íe.
4.Vde dvpvt vju rvt wa kaciq mervt ni.(Pilipi 2:4) Namaq gø vrvm vdè dvpvt nøtshi we wa møí dø,dvgárì dvpvt gø nøtna ràe.

*Cvmré lushi, mvlushi tvra nø vde nøt ní dvda:mo dø wa í vdu má? madu má? dvdvm raē.Kàtvng; Cvmré lushi, malushi wa we nø Angní cvma vní gøò kaciq rvt shì we í nìgø rvcuncerì ku ke ní nø , Gvray Gvsvng nøt kaq vzvng lá dá:ngí jurøt shi we, nøt vrá we nvng vzvng nyan paqzií kaciq rvt vdùe. Cvmré rì nø Gvrayí zì we ishøt igvn íe wa nø Mongka í shungøt dvtú e.