Vkangpè Yesu Kristu í nø vmyø wønò we Kashvbóng

Mati 13:18-23.

Shvngbe mvdvm Gvray mongzøl lòng laqtuqdaq! Dèni nø July 24 , Nár Bunga ni svng gòng bø’shà.

Dènio Mati Gvray dvbùshang Mongkà taq Vkangpè Yesu Kristu í nø vmyø wønò we Kashvbóng mvshøl taqkèní cíngràl lúnlvm àng lvjøm svng pø’nà taqsórí shvngøt dvtúò we, cvnà we móngkà íe.
Gvray gvsangò cúnshì we Mongkà svng tashì nø cíngràl we í, nøngmaqò Nønt mvsøn vdòng taqø zøpshì rì Tiqmaq í nø, Tiqyá dvtv’ng, Vchuqcé dvtv’ng , Vshømcé dvtv’ng angshí shí longè, wā dvkv’m yangì.

Vpø’ íwe pèmè vnvmchvngmaq, Gvray nø, Angò Cúnshì we Mongkà svng Yesu Kristu taqkèní dvtán yangà. Angò Mongkà svng Mònggvn vsvngrì shvngbe kaq svng èzíyangshà. Vtoshì vsvng vl pàdø, mà toshì vsvng gø v-lie. Kvmnøntní vtoshàì nø cvndvgømì we taq Àng yá dvtv’ng angshí shí lvm vlē, wa dvkv’mè. Nøngmaq gø’ vrvm taqkèní gø Gvray gvsangò Mongkà svng tashì nø vtoshàì lòng í wa mvkøm mvzøp. Zøpshàì lòng í wàgø mvlúnshì. Gvray gvsangò móngdàn dvpvt angshí shí lúnlvm rvt vjang laqyà taqkèní cvndvgøm lún ràe, Shvkse wáshì lún ra we íe. Vpø’ íwe pèmè vnvmchvngmaq, Yalòng svng Gvray gvsang nø mvdøng shvrúngè walòng svng Kashvbóng mvshøl taqkèní shvngøt dvtú lòng yv’nglúnshìe, shèdø’mì we móngkà íe. Shvngbeí Gvray Mongkào Mongzøl lòng vtoshì laqlúnì.