Vkàng Yesu zūn lú:ng ì we dang

(MT28:1-10, MK16:1-10, LK24: 1-12 ,Yh20: 1-10).
Shànshér kàru vrü yàng a we coq cvn(4)pè í gø Vkàng Yesu kadø zūn yàng ìwe wá nø mà vrū yvngò.Nár ni nvmlvt ni taq sháng mvgá gá dvgvm bvng kà vtàng e wá we svng coqcvn (4)pè í gø svkse wá shi nø vrū yvngà we yvng lú:n shi e.

Vkàng Yesu zūn lú:ng ì we rvtø chvng vnán nvmnø vshar we í vsùng we cìlcè rì kà yvng døp ma yvng má shi yàng ì. Cìlcè rì ínø ya mvbøn Shvngbe shvrúng shú vji rì svng dvtá yvngà.Svma ré rì tiq maq nø ngórci lang shi nø dvgvm svng dì bø ì.Í we Makdala Mari nø dvgvm yvng svng ang vzvng tuq bø ì we dvgvm shø lóng køm nø kù kaq tvrí shi we svng ang í yvng bø à.Vdòng svng ang gòng á:mi ni nø Vkàng pè vnàng mvyàng ò .Vnàng møq ò we søm ban móng a yàl da we svng yvng ò we.

Angmaq nø we lòng rvt nøt dvshà langí kù shor shor wá kalang we belaq móng gwá shi we vsvng (2)gø angmaq shvmáng yvng zvng rep daq ì we yvng bø à. Ya rì Shvngbe coqcvn rì svng dvtá bø a kvt Peter tvm búng nø lóng dùng dvgvm svng v jer á:mì. Ang ngø shi nø vdòng yvng svng dv jaq ò ni nø Vkàng pè vnàng svng døpmapmà we vsi laqtūn a yál shi da we svng yvng ò we . We rvt ang kà lang nø coqcvn rì shvng be svng Vkang pè Yesu jøng jøng ni zūn e wá long svng da tá bø a. Emaus svng dì we coq cvn vní pè yvng gø
Vkàng pè Yesu dvtán shi we svng ang maq í shá bø à .Nøngmaq rvcvng cè rì gø Vkàng pè Yesu zūn we svng svkse wá shi lvm vring mvyøne e.