Svrabín Koqkám Leo XIV ò dvbùshvng bvnlì tvrà taq nøtlømwe mvsøn nvrøm

Pope Leo XIV nø November 14 ni Peru móngdàn Zana wamàø vjúrøt núngkùng taq mòngkà vrìng bøà we íe.

Vzvngkaq Chiclayo Gørwang taq rungnø shvrúngshú wáshì yv:ngì we Pope Leo XIV nø Roma svng vrá rúng vdu bøì we ínìgø àngò dvbùshvng bvnlì tvrà taq nøtlømwe mvsøn nvrøm nø we shvrà svng vrá mvrøtshì we dang vtàn bøà we íe.

We shvrà taq shvrúngshú wáshì nø rungwe rvtø taq àngò lvpat nø Gvray ò vyvng roqshú shvlá tiqgø bønlún lvm dvpvt vjúrøt shì yvngì we dang svng gø vtàn bøà we íe.

Gvray ò vyvng roqshú shvlá tiqgø wawe nø kù:ngà vnøn we rvcángcèrì nvng dang vrvm taq dvshá mvré mvhøt lvm vhø:mò vsvngrì dvpvt téwa dvzøm dvbangā ràwe dang vrìng bøà we íe.

Pope Leo XIV ò lvpat tvrà taq Gvray ò vyvng roqshú shvlá tiqgø bønlún ráì we tvrà shvngbe nø Chiclayo Gørwang taq vlwe shvngømré vsvngrì shvngbe ò vjúrøt dvbangā we tvrà rì taqkèní bønlún ráì we dang gø vtàn bøà we íe.

Leave a Reply

Your email address will not be published. Required fields are marked *