Pope Leo XIV ò Latin America dvbùshvng zaqlè tvrà dvpvt dvgø shìwe

Pope Leo XIV taqkèní àngò dvbùshvng zaqlè tvrà rì íwe Uruguay, Argentina nvng Peru móngdàn rìkaq gvzà màlé ke dìlvm íbøì we svng vrìng bøà we íe.

We móngdànbrìkaq kønmvng tvrà svng ya lvbán vdòng cvn cvn wáshìlvm íbøì we svng gø dvkám bøà we íe.

Yadø íwe dvbùshvng zaqlè tvrà taqkèní kám vsvngrì dvpvt pvlàcè dang kámnøt tvrà rì àngdang dang taq jór nònggwøn nvng Gvray ò gálòng svng vtoshì lúnlvm íwe tvrà laqí dvr vjúrøt gø dvzaq shàì wanø dvtú we íe.

We zaqlè tvrà taq dvbùshvng tvrà taq shvnshér vsvng dang lvm tvyø gø vlwe dang vrìng bøà we íe.

Guadimala, 1983 nøng taq kámnø tvrà rvt gønshaq zíshì bøì we Franciscan shvrúngshú Augusto Rafael RamírezMonasterio (OFM), Spain móng kèní shvrúngshú shvnvp Francesco González de Córdova 79 gø eì svng shvngømré taqkèní màná dømrø kámnøt shvre mvsat lvm tvyø rì vlwe dang dvkám bøà we íe.

#PopeLeoXIV #Vatican #CatholicChurch #LatinAmerica #Prayer #Beatification #StCharlesBorromeo