Majàn rvt rvyù rvyóngwe àngmè rìrvt mòngzøl lòng laq tuq daq Wanø Pope Leo XIV ò vjúrøt mòngkà

Pope Leo XIV taqkèní All Soul Day ni vjúrøt tvyø taq mvjànrvt rvyù rvyóngwe àngmè rìò necì rì taqkèní mòngzøl tvrà tónglún lvm laqí dvr wanø vjúrøt dvbangā we mòngkà dvtú bøà we íe.

Pope Leo XIV nø November 2 ni taq Roma Myuw Campo Verano dvgàm yvngø Missa vjúrøt núngkùng svng wàbøà nø shì yv:ngì vsvngrì ò pvlàcèrì dvpvt vjúrøt dvbangā tvyø svng wà bøà wegø íe.

We tvyø taq “nøngmaqò vjúrøt kàshaqrì nø bashà lvpat kèní vle bøìwe pvlàcèrì shvngbe nvng vzøm:ì nø Gvray yvng kèní dvsháza chutcháng we ìshøt jejú rì vtoshì lvm wawe ká vgo kèní núng kùngmè svng wáshì bøì we íe.

Pope Leo XIV taqkèní dvkám we mòngkà taq døngmvnwe bashà rìò pvlàcèrì kaq kadø íwe ngàshàrì taqkèní gø vtøp lúnlvm møí, Mòngkà taq yvnglún shìwe Beatitudes walòng kà lvjøm nø rvgaq mvdàmø gø muqlàng taqlvpø gø kømzøp we íe walòng svng shvdøm mòngkà vtàn bøà we íe.

Téwa rvgaq mvdàmø kù:ngà vnønwe vsngrì nø Gvray mvrdàng taq ìshøt vlwe svng gø shvdøm we íe.

Wervt mvjàn rvt rvyù rvyóngwe àngmè rìò necì rì taqkèní mòngzøl tvrà svng tóng lún longe àngmaq shvnvngø Gvray ò mòngzøl we nøt shvløm we ìshøt vlwe dang dvkám we íe.

Wervt shìlòng nvng lvpat cúnshì we dvhø shóngnøt vzøm we tvrà vrølvm we møí màbóngwe ìshøt tvrà svng tuq á:mì we dvjà tiqlòng mvng íe walòng svng shvdøm mòngkà vtàn bøà we íe.

#PopeLeoXIV #AllSoulsDay #CatholicChurch #Peace