Yesu Nvng tiq dø Vzvng kaq Dìì

1.Yesu no nøngmaq nvng tiqdø vle.
(Mati 28:20)-Ngàí namaq svng dvkv́m bǿshà dv́ngte shvngbe angmaqí lvcv̀n lú:ngò dø shèngøtnøng.Eyv̀ngnøng, rvgaq mvpìm yabàn lv̀ngdø̀m høq Ngà nø kadvgvp gø namaq nvng tiqdø v̀llv́m íe,” a:lòe
-Nøngmaq nø tiqgø wa tvrà dìì dvgvp svreie. Ínìgø, Angpè angmè, Svra, Svramè rì, Rvmnvng rì nvng tiqrá dìì kvt ninì nø màsvreì, vzaqshi nøt a:lie. Yadø tiqdvchá, nøngmaqò lvpat tvra taq gø Yesu nvng tiqrá dìì kvt kení nø, Gvrayí tvrà shøl long kaq lúndaq we íe.

2.Rvzaq vnāng we nàhø:mò ni gø, mèserēni.
(Yoshua 1:9)-Nà nø nònggùn dèkv́ngshi, nvrø̀m dètéshi; mèsèreni, nøt mècv̀mni. Pàwálv́m wani nà kayv́ng èdi nìgø, Gvray Yehowa nø nà nvng tiqdø vl longe, wv̄ng Ngàí dvkv́m bǿngà we mø̀í ma?” a:lòe.
-Tiqkvt lākvt zòng karu shá rvzaq we, lamboq rió màrvm màrá we , rvzaq rvnāng vhøm shi we vlsháòe. Ínigø, Gvray kaq vjú rot shài nø, vzvng kaq dìì. Yesu kaq vløm shì we Cvmré nø, rvzaq rvnāng vhøm shi nigø vløm shì lvm vdáìe.

3.Yesuò shóngnøt kaq svng, kvtzøm dvta:nì.
( Yohan 13:34 )- Namaq tiq gǿ nø tiq gǿ nàshòngkénøng, wvng dvkv́mkà angshv́r tiq lòng Ngàí namaq svng zí ráìe.Ngàí namaq svng shù:ngì dø, namaq gø tiq gǿ nø tiq gǿ nàshòng kénøng.
-Yesuí nøngmaq svng è shò:ngí do, tātàlē shóngshìlvm shvngøtne. Wervt Angpè angmè kaq vpø ràè. Lamboq pan chang kaq dvbvng ràe. Mvrà vléò go svng mvrà chutna ràe. Shvla we Kà shøn lvm íe.

We mvdvm, Yoshua 1:8 taq Gvraq Kà kaq vyáng yaqdøng màchiq màching rø nø cvn vsvng nø Gvray Gvsvng ò shvmán jejú íshøt ígàn lún lvm íe.Wervt nø , ngàcø ngàcèrì na maq gø, ni vrvm jøm karu kaq svng , rø lvm wàì.Rø mèshóò ninø, Svra mèí røò we svng shvláwā tashìlvm waì. Gvray Kà kaq svng sháì we mvdvm,lvpat tvra taq kvt zømshai nø, cvnlvm waì. Gvray Kà tā we Cvmré nø nyan paqzí, kvmnøt tvra nvng shvla we laqyarì taq ni vrvm té vháng long we íe. Yesu nvng tiq dø , ni vrvm, vzvng kaq Di lvm wàì.
Lvngdøm mongkàciq nø (Kàshvgøp karu 3: 5-6)
-Nà nøtmvsø̀n shvngbeí Gvray kaq shaq èkv́mshì. Nà vdè shánøt svng mènalǿmshìnì.
Nà tvrà í dv́ngte taq Ang svng nàchà:ngò. Wekvt A:ngí nà tvrà rì mèdóngā daqe.

Leave a Reply

Your email address will not be published. Required fields are marked *