Mvngākashí nvng butdvshi kàshvbóng
Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Octo-27-26) ni labán vníni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø
Deni mòngkà taq Gvray móngdàn nø mvngākashí nvng butdvshi shvbóngòe. Rvgaq vsvngrìí nø vháng vtàngrì dvshaqí lūshìlvmrì svng wa vchvk waìe. Gvrayí nø wedø mví. Cvm vtàngrì taqkení pvngòe. Vchvk daq ni nø cvm vtàng íwe vjúrøt dvbanglvm nvng mvréza nøt dvtvnshìlvm nøngmaq shvngbe svng shvdúm dvshvte. Mvrà roqā we kà tiqkà gø gvza vpø’e. Lvnggá we mølshvm dvtvnshìlvm gø gvza vchvk we íe. Wekvt wa Gvray kaq kv’m we kv’mnønt telònge. Yadø íwe cvm vtàngrì taqkení rø̄mvtømshì we té vtvng nvnggùn kùngà gvba ídaqe wa nø shvdúme.
