Pope Leo XIV taqkèní 2027 nǿng Korea, Soul myuq taq wáshì lv́m íwe mònggv̀n zìlv̀ngré àngni dvpvt shìpvn zv́ngshì lv́m dvtú we
Mònggv̀n zìlv̀ngré àngni svng wá pv̀ng yv̀:ngà we Pope John Paul II ò bóy àngni taq Pope Leo XIV taqkèní mònggv̀n dø̀ng taq vlwe zìlv̀ngrérì 2027 nǿng Korea, WYD Seoul taq wáshì lv́m íwe rvt shìpvn zv́ngshì lv́m dvtú bǿà we íe.
Yalòng bóy àngni tvyø nø tiqgǿ nvng tiqgǿ vtoq vtí lv́m tvyø tiqlòng írawe mvtaq vjúrøtshì lv́m lvmvng tvyø tiqlòng gø íwe svng dvkv́m we íe.
Shvngø̀mré vdòng taq zìlv̀ngré tiqgǿ taqkèní shò shò wa vbá shvla we tvyø yilòng ílongwe mvtaq màbóngwe mònggv̀n vtóng laqyà rì dvtan nø̀ tvle kelv́m tvyø tiqlòng gø ílong we svng shvdǿm we íe.
Shòlaq lvpvt taq Gvray tvrà shvngø̀mré tvrà rì taq kadøwa dvzaqshì ràwe nvng shvngø̀mré vdòng taq kadv́ngte wálún we kù:ngà rì dvtan lv́m tvyø tiqlònggø íwe svng shvdǿm we íe.
Wervt welòng bóy tvyø dvpvt shìpvn tǿò we tvrà gø pv́ngshì bǿì we svng gø dvtú we íe.
