Mvngāka shí ó Butdvshi kàshvbóng
Mati 13:31-35, Mvngāka shí ó Butdvshi kàshvbóng,
Shvngbe svng pamvra wànge. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø — —
Deni mòngkà taq Kàngpè Yesuí muqlàng móngdàn nø angshí shvngbe taq cv́m vtv̄ng pv̀n íwe Mvngāka shí nvng Butdvshi kàshvbóng taqkení dvtvn bø’à. Cv́m vtvng pv̀n ínìgø té vtv̄ng pv̀n gø ídaqe. Té vtv̄ng ring we pv̀n nø cv́m cv́m pv̀n kení pángshì we íe. Kàngpè Yesuí muqlàng móngdàn nø Mvngāka shí kàshvbóng nvng dvshvt we íe.
Cv́m vtvng pv̀n nø kapvn íemá? Cv́m vtvng pv̀n wawe svng shø’nmvyø’ wenø mvtin mvshá íwe nøngmaqí dvzaq dvkángshàì we, mvrézā nøtní dvbvngì we, vjúrøt dvbvngì we nvng shóngnøt rìnø muqlàng móngdàn dvpvt té vtv̄ng ring we pv̀n ílònge wae. Vrá nø muqlàng móngdàn svng Butdvshi kàshvbóng shø’nò we svng gø yvnglúnshìe. Nøngmaqò cv́m vtv̄ng pv̀n íwe gømpaq rì taqkení gø vlíng vpòlúnshìe wawe svng gø kàngpè Yesuí shvdúm dvshvt we íe. Vrá nø muqlàng móngdàn nø jøngjø’ng ngàngdønge v:le wanø nøngmaq svng egoshà we íe.
