Gvrayò móngdàn nø Ana, nònggùn rvt mví, cøpshì nøt, tønshì nøt nvng shóngnøt taqkení wa té vtvng ílònge wae.
Svrabín koqkvmpè Leo í, rvcángcérì svng Gvrayò móngdàn nø dalvm pvn ngòr dvgùng dvtvn we svng yvnglúnshìlvm wa dvdvm mvdaq. Gvrayò móngdàn nø cvm vtvng pvn íwe dvyø nvng Butdvshi dø vsvngí mvyvngò dø té vtvng ílònge wa dvshvte.
Castel Gandolfo taq dvkømshì we zaqlewvnh di vsvngrì svng Mati dvbùshvng mòngkà taqkení shvdúme.
Zong nvng Shvlēba wønò kàshvbóng shvla we nvng màshvla we nøngmaq nvng tiqdø vl rvt lvngdøm angni taq Gvrayí kà ngélvm dang svng shvdúme.
Mvngāka shi nø cvm vtvng ínìgø lvngdøm taq té vtvng ídaq dø Gvray móngdàn nø cvm yvng kení té vtvng ílònge.
Svrabín koqkvmpèí Gvray nø ngòr dvgùng Ana lvng weí mvdøng mvdaq dvbvnlvm mví, cøpshìrì svng goòe. We dang nø Gvrayò nøtyvng nøt køn we shóngnøt svng dvtvnshì we íe.
Gvray Gvsang nø rvgaq vsvngrì svng vdèshóngshì dø rvsàngshì dvzvre. Kàngpè Yesu svng rvsàngshì nìmá? Màrvsàng shìlvm dvdvmshìlvm vzíshaq íe.
Shvngømré dang taqkení Yvnglúnshì we
We mòngkàò mvdøng kà nø rvcángcérì nø Ana, nònggùn nvng zi dang vhánglvm dang taq wa dvzaqshìlvm mví, ni vrvm cøpshìlvm, tønshìlvm nvng shóngnøt taqkení cúnshìlvm Gvrayò bvnlì svng kv’mnøntní dvzaqshì rae.Wedø cúnshìrì nø Gvray mòngkà cvn we dvyø ínø, Gvrayò móngdàn tèlvm dvpvt dvzaq vsvngrì íe. Gvrayò móngdàn nø cvm vtvng we dvyø shí mvínìnø Butdvshi nvng vbóng nø vsvngí mvyvngshì dø angwa wa té lóngì we íe wanø shvdúm dvshvt we íe.
