Pàwá kàshvbóng lá:ngò we
Mati 13:10-17.
Mongkà ètashìnøng we pèmè vnvmchvngmaq shvngbe mvdvm Gvray mongzøl lòng laqtuqdaq. Dèni nø July 23 ni Nár vbi ni svng gòng bø’shà.
Dèni Pvlàcè nònggùn lùshì lvm Gvray móngkà jømciqrì nø,Mati 13:10-17 vdòng taqkèní íē.
Móngkàciq vzàng røshì lvm wàì.
Pàwá kàshvbóng lá:ngò we
Wekvt coqcv́nrì di ráì nø Ang svng, “Pàwálv́m angmaq svng Nàí kàshvbóng kèní èshø̀:nò ma?” a:lòe. Ang vtv́nshì nø angmaq svng, “Muqlàng móngdàn vmáshaq kàrì svng cínglv́m vmíng nø namaq svng vzíshaq í we, angmaq kaq nø màzíshaq íe. Kadø íe wani vdá gǿ svng nø rv̄mā daqò nø gvzà luqā lú:ngòe. Màdá gǿ yv́ng kèní nø, ang vdá dv́ngte gø vtv̀ngv́m bǿòe. Pawá wani angmaqí nø dvjaqò nìgø mvyà:ngò; táò nìgø mvtáò, rál gø mvrà:lò. Wervtnø̀ Ngàí angmaq svng kàshvbóng kèní shø̀nò we íe. wàe.
Yalòng nø Esaya kàdvtut kà taq, ‘Namaqí tá nø ètánøng we kadø gø mècíng lóngnøng. Namaqí yv́ng nø èyv̀ngnø̀ng we kadø gø mèmèshv́l lóngnøng. Kadø íe wani bashà yadvcì, angmaq nøt nø dér bǿà. Vnà gø nvdǿ íá:mì. Nē gø vmàná:mì. Angmaq nēí yv̀ng lú:ngò nø, vnàí gø tá lú:ngò nø, nø:tní cíng rà:lò nø vwv́ngshì ra nìnø Ngàí angmaq svng dvbānāngònøng we íe,’ wa nø shø̀n yà:ngà kà vhø̄m we íe. Wedø ínìgø namaqí nø nēí èyv̀ngnø̀ng nø vnàí gø ètá nǿng rvtnø ìshøt ìgv̀n èlúnnønge. Ngàí namaq svng v̄la:tnìni, kàdvtutshúri nvng døngman vsvng mvmēí nø, namaqí èyv̀ngnø̀ng rì svng yv́ng mvyǿ nìgø yv́ng mvlún yà:ngò; namaqí ètánøng rì svng tá mvyǿ nìgø tá mvlún yà:ngò.” a:lòe.
Vpø’ íwe vnvmchvngmaq, Kashvbóng mvshøl wàwe nø, Vsvngrì kaq svng Dvdvm dvzvr we, Dìngman lòng svng gun dvtøp vjáng dvzvr we, Paqzi zì we, Dīn Kv’n zā zì rì íē.
Wervt Vkangpè Yesu Kristu ínø, Mongkà dvshvngò v-rvm taq, mvshøl, Kashvbóng mvshøl rì taqkèní shvngøt dvtú nø shø’n yangà. Vkangpè Yesu Kristuò Mongkà rì, Kashvbóng mvshøl rì nø Denila lvpat taq zø’m mvdvng pvngkrvtá:mì, wā tiqmaq taqkèní dvdvm sháìe. Gvray gvsangò Cúnshì we móngkà svng rø nø gundvdøp dvdvm vjáng we v-rvm taq , Kūnga shaq àngshvr àngshvr vtoshì dvzvr nø zìe. Gundvdøp lv’m døngjá Talen rì zìe. Gvray gvsangò Mongkà kèní lvpat taq, Rvtø v-rvm v-du vbóng dø Cúnshà ìe mà? shvbóng nø dvdvm vjáng taqsórí Cúnshì lúnlvm gø gvzà vchvkngè. Wekvt wā Nøngmaq Cúnshàì we lvpat taq Gvray nvng vzøm vzapmì we í mongzøl lòng vtoshì lúnlvm, Cúnshì lúnlvm í longè. Mongkà ètashìnøng we Shvngbeí Gvray mongzøl lòng vtoshì leqlúnøng! Pamvra.
