Gadaren yv́ng Yesuí cáng lù:ngò we

Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà

Yesu nø kupa Gadaren rì rvgaq svng tuq ráì nìnø, tvrà wehwáng taq tiq gǿ gø̄ léshì màshvla høq, mvhø̀ mvhut wa we cá:ngí dvrūkéò we vsvng vní gǿ nø lóngdùng dvgv̀m móng kèní léshì ráì nø Yesu nvng vhø̄má:mì. Wekvt chàng wegǿní vkiq lú:ngì nø, “Gvray Angcè pè Nà, nøngmaq Nà nvng pà singlv́m v̄le ma? Rvtø̀* shini mvhøqò ke nøngmaq svng dvkilv́m èdì daqì ma?” wae.

Angmaq yv́ng kèní kadv́ngte màrúm yv́ngø waq tiqré rvnúlv̄m nø v̄l we; cáng rìí Yesu svng, “Nøngmaq svng lùnglv́m ni í kèní nø, waqré taq dvchøp dèzv́rshà,” wa røtshìe. Yesuí angmaq svng, “Elonøng,” vl bǿà kvt angmaq lúshiá:mì nø, waqrì taq dvchøpmá:mì. Ku, waqré nø dv̀ngdár dangdang tìnúng svng dvgupshi nø, tì taq vløp nø shìá:mì.

Wekvt waq roqò rì nø mvrìng svng vjèrá:mì nø, bø̀ná:mì rì shvngbe nvng cá:ngí dvrūkéò gǿní dāng kadødø̄ íá:mì tvrà dvsha:ngòe. Wekvt mvrìng køp nø Yesu svng yv́ng nvng di ráì. Ang svng angmaqí yv̀ng bǿà kvt, angmaq rvgaq kèní Ang lvlúshiv̄m dø kórshìe.

Yesu Kristu nø nøngmaqò chvng Kàngpè, shvlutshú, záyvng dvbvnshú, cángrì svng lù:ngò we vsvng gø’ vrvm svng dvgùng shvring we gø íe.