Yesu nø narni Angkàng í we

Narni taq, Yesu nø zong yv̀nwà dvhø̀hø̀ léshì vdu ke, Ang coqcv́nrì nø di sórí zōngshí rvtnv̄me. e 24 Wekvt Farisirìí Ang svng, “Ku, narni taq wàlv́m dvrá màvl we, angmaqí pàwálv́m wàòe ma?” a:lòe. Wervt Yesuí angmaq svng, “Dawi nvng angó tiqdø vl rì nø, svrí shì lú:ngì nø zǿmdv̀ng la:ngí a:ngí wa yà:ngà we tvrà mèrø dv́rnøng ma?

Abiatar shvrúngshú vgo wáshì dvgvp, Dawi nø Gvray chø̀m svng gòng nø, shvrúngshú pè wa mø̀íni kagǿ gø v́mlv́m dvrá màvl we, dvtan zidòng welòng á:mò nø, ang mèpvng zv̀n rì kaq gø zí yà:ngà. Vsvng nø narni dvpvt wà yà:ngà we mø̀í, narni lè nø vsvng dvpvt wà yà:ngà we íe. Wervtnø̀ vsvng angcè pè Ngà nø, narni Angkàng pè gø ǿngàe,” a:lòe.

Tìløp YawHán shøn we nø, Vkàng pè Yesu í wā nøng maq svng Palàce taq kè ní dvshèr lún ì we nvng, Gvray angcè jøng jøng í yàng shà. Vkàng Yesu nø nøng maq rvcáng cè rì dvpvt rvgaq tøm mvrà lú ā shú pè Gvray ang Vyvng cē nø yà pè ni íe wà yàng ì.

Vkàng pè ò lvpvt tvrà rì svng shá lún ì we nø gàm vlì we rvt íe. Nøng maq cvm ì we rvtø kè ní tìløp kám lún ì we gø, dvshèr lún ì we gø Gvray jèjú rvt íe.Mvrà vroq Sacramentú Jèjú rvt , nøng maq ò mvrà rì svng echùtnà ìe.Missa kàgvp Muk nú:ng we Sacramentú taq kè ní ,Vkàng Yesu nvng vzøm vzvplún ì nø , Pala cē nònggøn lún ìe.

Vkàng pè Yesu nvng vzvr ì kvt nø nøngmaq í pà gø wá mvlún ì we svng døm shì ra e. Nøngmaq vm ì we , aq ì we , dì ì we rvtø vrvm Vkàng pè svng shà ì kvt wá Vkàng pè yáng kè ní ìshøt lú:n lúng ìe walòng svng rvtø vrvm dvdàm vjáng íwang nø nònggøn zí mv yøne e.