Vléò rì svng kadø wá rà we

Mt 18:15-20

Dèni pvlàcè nònggwòn lushì lv́m mòngkà taq Kàngpè Yesu nø jànglaqyà tìn ráì we vsv̀ng mv̀ngpòng mvdò rì svng vrá dvcøp shvnvp lv́m tvrà yv́nglún shìwe íe. shìwvt tiqlòng svng dvcøp shvnvp lv́m dvpvt wawe nø àngnvm àngchvng rì dvhø vzàng shvngøt dvtú kenø shvrv́m shì lv́m nø gvzàni vchvk we íe.

Vsvng wawe nø tiqgǿ wa v́l màshvla we írvt vsvng mv̀ngpòng mvdò rì dvhø̀ vtok vbóng dø shvbóng shvmvtshì rà longe. Mòngkà taq tiqgǿ gǿ taqkèní vléshì bøwe mvrà vlwe tvrà rì kaq shømløm we shvrà taqø àngnvng vhømnø shvdǿm mòngkà nvng dvtúwe, kàshvbóngrì kèní shvngøt dvtú we wáràe wae. Wedø èwàò we svng gø màto shì vsvng nø vlíng vpo, nøt vwángshì lv́m nøt mvwáshì vsvng íwe svng vtàn ráà we íe.

Yesu kristu taqkèní coqcv́nrì svng dvtú ráà we taq “rvgaq tø̀m taq namaqí èdòngnøng we kapà ínìgø, muqlàng taqlapmø gø vdóngshaq ívme. Rvgaq tø̀m taq namaqí shèlàngnøng we kapà ínìgø, muqlàng taqlapmø gø wedøni shvlángshaq ívme” wanø̀ vtàn ráà we íe.

Mòngkà tashàì we vnvm vchvng nøngmaq shvngbe gø nøngmaq shvnvng gùr gùr vlwe tiqdv́ng vsvngrìí vléò we tvrà rì yv̀ngvtnì dvgvp àngmaq kaqsvng shvla we nøt laqyà rì kèní shvngøt dvtú we bv̀nlì rì wáshàì we ímá walòng svng nøt cun dvtøp shì lv́m vchvk we dang mòngkà kèní shvdǿm we íe.