“Sasvna Cvmréce rìo Dvzv’ng Zong “

Putao Jau Gwørwang taq vl Sasvna Cvmrérìo dvzv’ng zong svng (7-9,10,2025) ni høq Shvrúngshú pè Fr. John Byin Tu Awng í dvtú we vdòng (MCA) bvnlì angkang Sister Julia Pan Htoi , Sister Christine Kaw Chyem( Finance) nvng (MCA) gomiti mvdò í dvnùng nø Gvray móngkà, mvkun zaywa rì cvnà we, Shvngømré mvshøl, Shànshér vsvng rìo lvpat mvshøl nvng Sacramentu jèjú gømlā rì svng (3) nidøp Putao St. Anthony Noqngøm Chøm wang taq mongzøl dø wálúnshì bø’ì.

Wè Dvzv’ng Zong taq mvring rvwá v-rvm yv’ngkèní Sasvna Cvmré cerì (150) rvzé gø’ lúm bø’ì we svng shálúnshìe. Tvyø lvngdøm taq Brother John. Nan Seng taqkèní Cvmrérì kaq svng nònggùn zi Kà nvng Sr Julia Pan Htoi taqkèní gø jèjú angkang rì shvngbe svng oqā wà Kà shøn bø’ì nø, tvløt we taq mèlúnò Cvmrérì kaq svng gø gønpaq dvgùng shvring we wa bø’à dang shálúnshìe.