Yesu mv̀rshv̀m shø̀ngshang vmvtná:mìwe
Lk 9:28-36
Dèniò mòngkà taq Yesu mv̀rshv̀m shø̀ngshang vmvtná:mìwe dang svng yv́nglún shìwe íe. Gvrayí nø nøngmaq svng dvzv́r rì døni vhángwe shìgùng svng ngang lv́m ègoì we íe. Gvray àngí nøngmaq svng àngò mòngzø̀l we jejú zílv́m kadvgvp gø ègoì we íe.
Ínìgø nøngmaqnø we vháng we shìgùng mvdàm kèní yøtshì ráì we rvtø̀ rìtaq rvgaq laqyà nøt mvsø̀n rì taqkèní vrá vtøp kéì nø yvklv́m shìwvt rì vhǿm ráì wekvt Gvray yv́ng nøngmaq gv́lshàì we kv́mnøt rì vlíng dvzv́rì we ímá? Nøngmaqò kù:ngà vnǿnì we tvrà rìrvt Simon Piter dø nøngmaqí Gvray àngsvng vtiq lú:ngìe má?
Wedø íwe rvtø̀ rì taq nøt bùm, nøt dvshà lv́m shìwvt dǿng rì vdòng taq Gvray kaq vtiq shì lú:ngìe má? Gvrayí nø nøngmaq svng àng jejú rì síngshá lún, vtoshì lúnlv́m dvpvt àng shóngshì wegø íe walòng svng síngshá nø kv́mnøt vdòng taq dvzaq shì lv́m rà vchvk we íe.
