Vkàng Yesuí Noqngø̀m tøngnø dvshèro we(Yh. 2:13-25)

Kang Yesu nø coqcv́n rì nvng tiqdø shvlé bóy shvlúm shi lv́m Yerusalem svng diya:ngì. Yudá riò dvrá taq yudá lvngà ré pèla nø(1) nǿng taq (3) baq Yerusalem svng di nø bóy shvlúm shi ráe wá nø dvkv́m ya:ngà.
We bóy ri nø,
1, Shvlé bóy

2, Shanshér Pvlacè la shi daqì we(50)ni
(Pencost)bóy.
3, Noqngø̀m tøngnø bóy yari íe.
Kang Yesu nø noqngø̀m tøngnø wáng vdòng taq gvtnv̄m shi we vsvng rì nvng gv̀m sùng chè ò rì svng lù:ngò nø noqngø̀m tøngnø dvshèr ya:ngà.Yadø wà owe nø kàgvp anglí kení mòngkà ciq dvhøm ya:nga we íe. Kang Yesuí wà òwe bvnlì rvt nø Yudá vsvng rì nø Kang Yesu kaq svng wà lv́m vming vkv́ng vlwe tvrà dang svkse dvtan lv́m rvt nøt mvshǿm ya:ngì. We kvt Kang Yesu nø ang shì lòng zūn löng nvng singdø lv̀ng pv̄ng rām dvtan Shaq dø ya vní poq vzv̀ng kení shø̀n ya:ngà.

1, Angò noqngø̀m tøngnø cat daqòe.
2, (3)ni mepv̄ng vrá zūn lònge.
Ya vní dang nvng sing dø Yudá vsvng rì nø ,Herod Koqkv́mò noqngø̀m tøngnø svng tvnù òwe wà nø dvdv̄mo rvt cing rál mvlún shi høq íya:ngì. Lv̀ng døm taq Kang Yesu svng tapmò nø wùr gāng tø̀ng taq shatnò lòng svng yv̀ng bøa kvt té wa cíng rál ya:ngà
Íni gø Kang Yesu nø ang góng íwe tøngnø svng tvnu ònø shø̀nò we svng yudá vsvng rìí dvdv̄m mvrǿn ya:ngò. Angjǿng tøptøp wa gún dvtøp mò kvt nø cíngrál lún shie.Ang mvtú nø Kang Yesu nø màbóng we kà(2)kà svng lv́ng ya:ngà. We ri nø,
(1). (Hieron)kànø Herod koq kv́mò noqngø̀m tøngnø svng tvnū ya:ngà.
(2). (Naos) kànø angò góng svng tvnū shvbóng ya:ngà.Íni gø coqcv́n rìí nø Kang Yesu Kristù nø zūná:mì kvt waā cíng rál lún ya:ngà.