Turin Myuq ngòr dvgùng
(1458)nøng Italy móng Isigvlo Myuq yv́ng vkǿ rì tiq mvdò gòng yv̀ngì.angmaq nø chø̀m Shvngbe yv́ng kení pø̀shi pø̀mè rì lù òe.Noq ngø̀m chø̀m kení Kangpè kàgvp muk zv́ng òwe Monstrance gø kǿ òe.
Vkǿ mvdò ínø kǿbǿ a wedvre rì svng bùri rì taq zv́ng ònø gumràngí tō ònøTurin Myuq tvrà dangdang lōe. Turin Myuq rvwè ramø tuqráì dvgvp gumràng rì tvrà dí mvtá nø repdang wà e.Kadángte vdep òni gø mà vngv̀t shi rep dàng wae.We lòng svng yv̀ng òri mvmè dvkǿm shi ràì.Wedø ni yv̀ng ò dvgvp Monstrance zv́ng òwe bùri rì kení Vkangpè kàgvp muk zv́ng òwe Monstrance dvtán shi lúngì. Vkangpè kàgvp muk zv́ng òwe chø̀m cè bv́ngkà vtv́n rá ìnø Vkangpè kàgvp muk gø̀m gø lé shi daq ìnø we zv̀ng yv́ng vl dang wae. Kàgvp Muk yv́ng kení brim brim shór nø we myuq Shvngbe gá dang wà lúngì. Ya lòng mvbøn svng yv̀ng òri nø, dà sórí,vkiq sórí vjú røt shvring ya:ngà.
Saradaw (Bishop) ínø shvrúng núngpà wàò dvgvp láng ò we Chalice gok láng ò nø we gok yv́ng zv́ng shi lv́m bvnciq tu shi nø vjú røt røtním shi dvgvp Chalice gok yv́ng vkangpè kàgvp muk zv́ng shi ráì.Kagvp Muk svng St.John noqngø̀m chø̀m yv́ng gvlò nø vjú røt shi yv̀ngì.Kagvp Muk dvtán shi we zv̀ng taq noqngø̀m chø̀m wà yv̀ngà. (15)mvzuq taq nø we noqngø̀m chø̀m svng(Basilica)noqngø̀m chø̀m gvbà (The Church of Corpus Christi )noqngø̀m chø̀m wà nø bø̀ng zí ya:ngà.
