Muqlang móngdàn nø Ngā angpv̀npv̀n gøp lú:nò we shǿmgún Kashvbóng
Mati 13:47-53.
Kristu vdòng taqø vpø’ íwe pèmè vnvmchvngmaq, Dèni tashì lvm, dvdvm vjáng taqsórí nònggùn lùshì lvm Gvray móngkà nø Mati 13:47-53 vdòng taqkèní íē.
Vpø’ íwe vnvmchvngmaq,
Dènio Mati Gvray dvbùshang Mongkà taq Vkangpè Yesuí nø Muqlang móngdàn nø Ngā angpv̀npv̀n gøp lú:nò we shǿmgún Kashvbóng mvshøl kèní shvngøt dvtú lòng svng yv’nglúnshìe,tálúnìe. Muqlang móngdàn nø, tìnúng taq gø:pmò nø, Ngā angpv̀npv̀n shvngbe svng gøp lú:nò we shǿmgún tiq lòng nvng vbónge, wā shø’n yangì. Vpø’ íwe pèmè vnvmchvngmaq Yalòng Gvray Mongkà jømciq svng dvdvm vjáng nø yvngì taqsórí Shvngømré vdòng taq vsvng pvn, dvci pvn shamùng shanaq Kømzøp dø, vjang laqyàrì Kømzøp dø, màbóng we dvdvm Nønt angpvn pvn, vtoshì nø cíngràl we angpvn pvn , Dak dvdvm gun dvtøp we àng dvtàng tàng vlē, walòng svng shálúnshìe, cíng ra íe. Mà bóng we àng dvjarì kadv’ngte vl we nigø, vsvng gø’ v-rvm ínø, Muqlang móngdàn kaq gō lòng svng vtoshì lúnìe.
Íni gø, shvla we vjang laqyà taqkèní cúnshì gø’ nvng màshvla we vjang laqyà taqkèní cúnshì gø’, Mvra vl gø’ kaq svng mv’ng nø lvngdøm angni taq Ka:ngé lv’m nø Jø’ngjøngni vlē walòng íe. Shvla we, Sher we Døngman vsvngrì í nø, Shvla we Jèjú ìshøt ígvn svng vtoshì lúnlvm ínø, mvgam mà shvla we vsvngrì ínø, Mvra dàm zì lòng vhø’m lvm vlē, walòng svng dvdvm vshat ràe.
Vrá nø, Kristu vdòng taq Vpø’ íwe pèmè vnvmchvngmaq, Gvray gvsang mvrdvng yv’ngø Nøngmaq gø’ vrvm nø Shvla we vsvngrì, Kvmnønt vl we rvzvngcerì, Døngman we rvzvngcerì wáshì lúnlvm dvpvt rvtø vrvm vjúrøt tvleshì nø Pvlàcè kvmnønt nònggùn kūnga lùshì laqlúnì. Shvngbeí Gvray mongzøl lòng vtoshì laqlúnì.
