The Growth of The Church and her Organization The spread of the Faith
Nv̀mlat mvzuq bérá ì dvgvp Roma Emperor taq vl we móngwál rì taq Kristù Yesu tvrà mvtá òwe shvrà mà vl dv́ngte íya:ngai. AD(112)taq Asia Minor yv́ng móng øpkv́ng shú í Emperor svng vrū owe karū taq angmaq ò noqngømchø̀m yv́ng vsvng rì mv-vl dv́ngte íya:ngai , wanø vrū ya:ngà. AD(300)taq Asia Minor Greece nvng EJip taq vsvng gorø̄ bø̀ng tiqkā dv́ngte nø rvcv́ng ce rì té luq ya:ngì. Rvcv́ng ce rì té té vl we shvrà rì nø Italy, Spain, Gaul, Britain, Northern Africa, Syria, Abyssinia, Arabia, Amenia nvng Persia yarit taq vl yvngì.
Yadø shvngø̀m ré vshér mvn shi we nø shvngø̀m ré nø angò lvpat nvng nonggø̀n vl dv́ng te svng shànshér Pvlàce Gvray yv́ngkení lún shi rvt í ya:ngì .Nvm lat zí shi ya:ngì we gøn Shaq rì nø vsvng mvmè gǿ kaq svng noq shi nø kv́m we vsvng wá shi lún ya:ngà. Angmaq nø angmaq í lún ò we byo lv́m lòng vjø̀ng kaq svng dvgá vsvng kaq vwv́na mvyǿ we nøt vl ya:ngì. Wervt angmaq ò laqyà dvlà dvshāngò yv́ng kení vsvng mvmè gǿ kaq svng Pūng vdòng svng gòng lv́m rvt nonggø̀n zí ya:ngà.
Pagan rigø rvgaq tø̀m ò dvré rì svng nøt vtvng we í angmaq ò nøt mvsøn rì nø v́m aq lv́m , lún shi lv́m ,mòng zø̀l lòng mvdv̀m mzv́nri kaq svng mvrøt nø bál we rvtø íe. Rvcv́ng ceri í nø dvshà we lvpat taq v́l vdū ni gø mòngzø̀l nø dvbù we lvpat svng yv́ng lún ya:ngà.Kristu svng shóng shi rvt vli we døng já rì nvng tiq dø mvjòr yv̀ng vhøm ò we vshuq rì nvng nø mà bøn bøn shi vdè ò Jā svng rí ya:ngà we svng dà ya:ngì. We mvdv́m taq rvcv́ng cè tiq gǿ nvng tiq gǿ tasvng dvbang kè we vl dø vshòng kè we svng yv́ng lún shie. We rvt angmaq shø̀n we kà tiq kà nø, “shvngø̀m réri tiqgø nø tiq gø shóng nøt ní tvsvng dvzøm shi we svng eyv́ng nøng “wá kà íe.
