Svrabín koqkámpè Leo XIV í, Equatorial Guinea vdòng vlwe Mvrà Mv-vl We Medo Dvkinmaq Cardidre Nøqngøm Chøm Vdòng April (22) Ni Misa Kàgvp Vjúrøt Apnúng Rvtø Taq Vkvt Dø Røt Bø’à We Íe.

Ya Móngdàn Taq Mvdøng Nø Kapvm Dang Taq Bál Remá? wa nø Svrabín koqkámpè Leo XIV í, Equatorial Guinea vdòng vlwe Mvrà Mv-vl We Medo Dvkinmaq Cardidre Nøqngøm Chøm Vdòng April (22) Ni Misa Kàgvp Vjúrøt Apnúng Rvtø Taq Vkvt Dø Røt Bø’à We Íe.

Equatorial Guinea móngdàn zv’n dvdut vhánglvm nø nàmaqò wur taq vhvp we íe. We móngdàn nø vsvng vrvmò back nvng vsvng vrvm dvgung svng mvkok lvm dvpvt nàmaqò døngjá lūshì nø shvngbe dvzaq we dang taq dvle shaq íe wanø dvshvtnò dang shálúnshìe.

Zv’n dvdut Svrabín koqkámpè nø Equatorial Guinea móngdàn ò, (Bata) Tòng chøm di nø tòng vsvng rì, we yvng bvnlì wáshúrì svng Gvrayò mvréza shóngnøt nø ka gø’ nvng gø mvwámshìlvm mví, Tòngrúng vsvngrì svng gø líng po dvzvr lúnòe, wanø shvngøtnò we dang, ding màn we cømsaq mòngzøllvm nø mvrà shvriākelvm mví, tāsvng tāle vpǿ shvring shá we nø ding màn we dang íe wanø dvshvt òe.

Vhøm nø vtoqvtip dá:ngí Svrabín koqkámpè svng Tòng rúng vsvng tiqgø’ taqkení shø’ngí dvcøpshaq wurgáng tiq lòng gømpaq zíshì we dang, We wurgáng sømla nø angmaqò lvpvt rì, dàmmárì nvng lvpat pángshìlvm vlø’mshìlvm svng dvtú dvshvt we dang shønshìe.

Equatorial Guinea móngdànò (84) nøng íwe Da mvdaq Teodoro Obiang nø Da mvdaq (47) nøng vhøm nø rvtø yvng vtvng ínø, 1979 nøng kení móngdàn vhánglvm ka vgo nvng Democratic Party of Equatorial Guinea (PDGE) wawe tiq badi svnit ní vkvt høq døngjá rí dvzaq shì we íe.

Svrabín koqkámpè Leo XIV nø móngdàn vsvng go rø (18) dán kení (80) yawet nø Catholic shvngømré vsvngrì ínø, Equatorial Guinea móngdàn taq April (23) Ni taq angò Africa zaqle Wang di we dang svng nvl lvm íe wae.