Dvshá mvhoq ínø chøm mvdá vsvng ri svng shóngnøt í dvbang lvm Svrabín Koqkam pè Leo (14) nvng Catholic dvbang shú (10)mvdo na vhøm we dang

Dvshá mvhoq ínø chøm mvdá vsvng ri svng shóngnøt í dvbang lvm Svrabín Koqkam pè Leo (14) nvng Catholic dvbang shú (10)mvdo na vhøm we dang

Svrabín Koqkam pè Leo (14) nø 18 November 2026 ni taq American móngdáng yvng vl Catholic mvdò(10)mvdò yvng kení bvnli døngjá vl vsvng(20) gø nvng vhøm nø lipòng wa bø ìwe íe.

We lipòng nø vl chøm mvdá dvshá mvhoq ínø dvsha vsvng ri svng dvbang we tvra taq Ja gvsøm nvng lvng lvm dvre ri dvbang we mvtaq tasvng shóngnøt dvtan we taq kení dvbang lvm Mvnggá gar shi we íe.

Mvdò tiq gø íwe Jessica Echeverry nø vl lvm chøm mvdá ri svng dvbang we tvra taq vchvng we nø vnà ri mvlvng gø vrvm svng síng ra we dang shøng bøì.

We mvdvm Dvshá mvhoq vsvng ri kaq dvbang we nø vsóya ò Bvnli Døngjá wa mví Shvngømre၊chøm Døngku nvng kám vsvng shvngbè dvba shi nø wá ra we íwe svng shøn bøì weíe.

Yalòng nø Svrabín koqkampè Leo (14)ò dvahá mvhoq vhøm ri vsvng mvdam shóngnøt í roq gvr lvm dvdvn we Dilexi Te kàrū yvng kení gø nònggun zi kà shøn shaq we íe.

Lvngdøm taq nø vm-aq lvm mvdá dvahá mvhoq vhøm ri svng dvahá mvhoq íri dø mvyvng lvm nvng vsvng tiq gø taq vlra we dvgùngrì nvng shóngnøt dvtan lún lvm ra we íe wa nø shá lun shi e.

Leave a Reply

Your email address will not be published. Required fields are marked *