Yerusalem dvpvt Yesu ngø̄ we

Kristu vdòng taq Vpø’ íwe pèmè vnvmchvngmaq, Rvtø vrvm Gvray jèjú mv-ngú lúnì dø tiqdvchá dèni dvdvm vjáng nø nònggùn lùshì lvm Gvray móngkà nø Luka 19:41-44 vdòng taqkèní íē.

Vpø’ íwe pèmè vnvmchvngmaq,

Vkangpè Yesu ínø, Døngman we Dvbùshang móngkà dvrá rì svng dvshangòe, zā yv’ng dvsheròe… Yadø íwe bvnlì rì svng Palastaí móngdànò Tìpō tut Galile rvgaq taqø dvtánò nø wà yangà. Angí dvshà mvhøt vhø’mlvm dvpvt Tìni tut taq vl Yuda móngò Myōqdō íwe Yerusalem svng dì lú:ngì. Vkangpè Yesu nø Yerusalem wama svng dì lú:ngì dvgvp Vsvng loksok rì ínø Yesu svng mesia ku vtoshì nø, Nønt mvsøn nònggùn kūnga í vtoshìe.

Íni gø, Vkangpè Yesu Kristu í nø gvzà mà lé we rvtø vdòng taq, Yerusalem yv’ng àngde í vtoshì lv’m íwe dvshà mvhøt yvklvm lòng nvng shìlvm lòng svng dvdvmò rvtø, wè Yerusalem myoq gø (AD _70) nøng vdòng Roma vsuyaq í øp we vdòng taqø tin gvyaqlvm dang mvyøncè í dvtàn yangà. Pawalvm wàni, àng mvtú nø, Vpè Gvray gvsang tuqlvm rvtø àngni rì svng mvsháò rvt íe. Vpè Gvray gvsangí nø longzàpè Yesu Kristu taqkèní Yuda dvcirì svng chutchvng lv’m rvt dì lú:ngì. Íwe Døngman Dvrá svng àngmaqí matōò, màtōshì.

Lk 19:41-44 ciq taq,… Yesu nø Yerusalem svng tuqlvm wáshì la:ngí, wamà svng yv̀ng bǿà ke, wamà dvpvt Ang ngǿ lú:ngì nø, yadø wae; “Wamà naé, dèni nà svng mòngzø̀l lòng èlv́ngaa:tnì pè svng nàí èsháò pà í nìnø shvla we! Iwe akvt nø nà nē taqkèní dvkøqshaq íá:mì. Nà ngv̀nshà rìí nà gùr hømhøm cìlzóng vra:ngò nø èwangvt we angni tuq rae. Gvrayí ètìn daq we rvtø̀ svng nàí mèmèshá:lò rvtnø nà nvng nvcèrì svng nø vba tø̀m høq shènv̄lnøng nø èshvt bǿnø̀nge. Nà svng nàrvng yà:ngì we lóng werì gø màrǿlshaq tiq chv̀ng gø màmvza ráò,” wae. Mongkà ètashìnøng we gø’ v-rvmì Gvray mongzøl lòng vtoshì leqlúnøng Shvngbe svng Pamvra.

Leave a Reply

Your email address will not be published. Required fields are marked *