” Shì lòng nø mà dvdvmshì rvtø taq tuq lungè.”
Shvngbe mvdvm Gvray mongzøl lòng laqtuqdaq! Shvngbe svng Pamvra.
Kristu vdòng taq Vpø’ íwe pèmè vnvmchvngmaq Dèni November shvlá 13 ni Nár Bunga ni svng gòng bø’shà. Dèni dvdvm vjáng nø nònggùn lùshì lvm Gvray móngkà nø Luka 17:26-37 vdòng taqkèní íē.
Svmaré vní mè tiqdø loklv̄ng jøkngv̄m dvgvp, tiq mè svng vbūn bǿò nø tiq mè svng nø làng ráòe. u 36 (Rvmá hv́ng taq lvngàré vní pè vl we, tiq gǿ svng nø vbūn bǿò nø tiq gǿ svng nø làng ráòe,” a:lòe.)* 37 Wekvt coqcv́nrìí Ang svng, “Vkàngpèá, yadv́ngte nø kayv́ngø í longe?” a:lòe. A:ngí angmaq svng, “Shì vnàng kayv́ng vyálshì nìnø, làngdø̀ngmè rì gø weyv́ng svng ni mvngūshì daqe,” a:lòe.
Vpø’ íwe pèmè vnvmchvngmaq,
” Shì lòng nø mà dvdvmshì rvtø taq tuq lungè.” Vsvng gø’ v-rvmò lvpat taq Nvmlat nvng lvngdøm wàwe (2) pvn vlē. Nøngmaqò lvpat taqgø shøq lòng nvng shì lòng wàwe (2) pvn vlē. Nøngmaq Cúnshàì we Mònggvn taqø Nvmlat nvmpvng Mongkà yv’ng dvtánò dø tiqdvchá tiqbaq Pv’n mv’n lòng svng vtoshì lúnìe. Wèlong Mònggvn nø tiq rvtø taq vlēvm nø bē vmè. Kadvgvp karvtø taq í lúng we svng Kagø’ í gø mvsháì. Nøngmaqí mà dvdvmì we rvtø rì taq Shì lòng nø tuq lungè. Vpø’ íwe pèmè vnvmchvngmaq, Wè lvngdøm àngni rvtø rì dvpvt Nøngmaq dvlu wáshì nø dvgø’shì taqsórí vl lúnlvm nø nøngmaqò bvnlì døngja íe, walòng svng shèdø’mìe. Mongkà ètashìnøng we Shvngbeí Gvray mongzøl lòng vtoshì laqlúnì shvngbe svng Pamvra.
