Constantine the Great
(305) nøng taq Diocletian nvng Maximian maq láng shi mvy ya:ngì. Nvm sar làm Diocletian shvrà taq Emperar Galenius wá shi nø , nvm løp làm Maximian shvrà taq nø Constantius chlorus wá shi ya:ngì.Tiq nøng vlé rá ì dvgvp Emperar Constantius Chlorus shvrà taq nø
angcè pè Constantine wá shi ya:ngì.
Constantine nø Serbia taq gv̀l yvngà. Ang koqkv́m wá shi dvgvp ang vbat(32) nøng wa vlé.Maximian ò angce pè Maxentius nø Italy nvng Aphrika taq ang nø ang koqkv́m vyā dang shi dángí øp yv̀ngà. Constantine nø angò cìl dap rì Italy kaq svng dvtøng shi nø cìl mvzàn vní lòng nvng Maxentius svng dv́ng ké yv̀ngà. We mè pv̄ng Romá móng svng lō ráì.
Shvngøm ré dvcìgùn tvrà dang nvmlat vrū yvngà pè Eusebius í vrū yvngā dø Constantine nø cìl màgvcvt we rvtø tiq yaq rà kè muqlang ram taq Wùrgáng dø vshv́m we gá lòng svng yv̀ngò dángí gùrgùr yv́ng gø “In Hoe Sinno Vinci’s” ya lòng mvshv́l pvrá í nà nø òng jòr we elún daq òe wawe kàrū svng gø yvngò e. Muqlang ram kení kā Shaq gø Roma rì í láng ò we Làng dø̀ng me cā hāng tvle Wùr gáng hāng svng sùm làng nvng cìl dvgà rì taq vrū lvm rvt shøn we kà svng gø táò e.
Maxentius gø mvzàn svng svrè we í angò pagan Lega bok svng poq ò nø yvng ò kè Roma ò ngv̀n shà nø nøt dvt nøt yòr lv́m dø shvmv́ng nø dvshér ràe , wawe kàrū vrū òwe yà:ngò nø we lòng lega í ang nø jór rae wawe nøt vl sórí angò cìl mvdò svng Milvian dvbà lè ònø Tìber rvgaq svng lø̀m vle ò dángí dvtøng shi ya:ngì.We shvrà taq mvzàn gvzà dvkv́ng dø wà ya:ngà.angò ang kíng ang mùn íwe cìl cè rì cǿm ya:ngì. ang svng gø Tìber yv́ng shvt ya:ngà.
Constantine gø angò Jò we cìl mvdò nvng tiqdø wàmà vdòng kaq svng gòng yv̀ngì.Bàshà rì nø dvbù shvwé shi sórí ang svng vtõ ya:ngà. Òng jòr we màná dømrø íwe Lóng tùng tiq lòng kvt ya:ngà. We lòng lóng tùng svng de ni høq Shaq ya:ng lún shie. Wàmà vdòng taq Emperor Constantine nø wùrgáng baq shì nø rip we angò hāng svng wà ò nø gv̀l ya:ngà.
