“Mvdø̄ng we chø̀m øpshú kàshvbóng”
Shvngkà ètashìnøng we pèmè Vnvmchvng shvngømré rvzvngcerì Shvngbe mvdvm Gvray mongzøl lòng laqtuqdaq! shvngbe svng Pamvra.
Dèni nø November shvlá (6)ni Nár Bunga ni svng gòng bø’shà we íe. Dèni nònggùn lùshì lvm Gvray móngkà nø Luka 16:1-8 ciq vdòng taqkèní íē.
“Mvdø̄ng we chø̀m øpshú kàshvbóng” mvshøl taqkèní íē.
Mongkà Jømciqrì vzàng tiqdùngce røshì lvm wàì. Yesuí Ang coqcv́nrì svng yadø gø shø̀:nòe. “Mvgàm tiq pè nø chø̀m øpshú tiq gǿ vdá we, wegǿí nø angkàng pè dvrèrì vwāwā dø dvsǿ:mòe, wa nø kōò vsvng v̄le. 2 Wervt mvgàm pèí wepè ang yv́ng goa:tnà nø, ‘Nà dāng ngàí táng bǿngà kà nø kadø íe? Nàí èø:pmò bv̀nlì shìpan èsuna:tnò. Akvt kèní kukaq nà nø ngà chø̀m øpshú wáshì mvdaq,’ a:lòe.
Vpø’ íwe pèmè vnvmchvngmaq,
Døngman nø dvciq lvpat Dø’ngvng we Chøm øpshú nø Kristu le íe. Philipi (3:8)ciq taq, Kristu Yesu ngà Vkàngpè kaq shángò lòng nø, vpǿ vtv̄ng we í rvtnø, ngà vdáng dv́ngte pà ínìgø vjú màvl we wa dvdutnòe. Kristu svng ngàí lúnlv́m dvpvt, kapà tiq pv̀n ínìgø Ang dvpvt bv̀lcì dø wa dvdutnò nø, gurlv́m wa dvdutnòe, wàe. Vrá nø, Ngào Kristu Yesu svng Ngàí shábø’ngà lòng nø kapà nvng gø shvdún màshvla we Chøm øpshú íe wvng vtoshøngè, wā St. Paul Angò Kàru taqgø vrùo nø dvtàn yangà. Mvdøng mvmàn we Chøm øpshú nø rvgaqtømò laqya rì taqwā Nønt vlí:nsháòe. Vkangpè Yesu Kristuò chutchvng we Wurgang tøng Tvrà svng v-tu vgámò gø’ íe.
Angmaqò tvrà lvngdøm nø Tín gvyaq we ínø, angmaqò Gvray nø angmaqò puqālè íe. Nøngmaq dvpvt Vmè Chøm, dvtuqshì ra Chøm nø, Muqlang móngdàni í rvt, Gvray gvsang vdòng taq Dø’ngvng dø rìp nø cúnshì lúnlvm dvpvt dèshatnì we shèdø’mì we Mongkà íe. Mongkà ètashìnøng we rvzvngce gø’ v-rvmì Gvray yv’ngkèní shiqshan mongzøl lòng vtoshì leqlúnøng! Shvngbe svng Pamvra.
