Gong rvpø̀m vsvng dvbā:nò we
Dèni nø October shvlá (30)ni, Nár Bunga ni svng gòng bø’shà.
Desháng Pvlàcè nònggùn lùshì lvm Gvray móngkà nø Luka 14:1-6 ciq vdòng taqkèní íē.
Mongkà tiqdùng vzàng røshì lvm wàì.
Yesuí dvrá svra mvdò nvng Farisirì svng, “Narni taq záyv̀ng dvbānā daq má, mvdaq ma?” wa rø:tnòe. Iwe angmaq nø dø màwá v̄le. Wervt A:ngí wepè dvba:nò dá:ngí shvlōòe. Wekvt Yesuí angmaq svng, “Namaq dvhø̀ taq tiq gǿgǿ, angcè* mø̀ínī nungwà tiq go nàdánø̀ng we, wego nø Narni taq tìtūng svng lā vjāv̄m nìnø, wela:ngí ni chàng ang svng mèlùnøng we kagǿ èv̀lnønge ma?” a:lòe. Angmaqí pà tiq kà gø vtv́nlv́m màvlá:mì.
Kristu vdòng taq Vpø’ íwe pèmè vnvmchvngmaq, Gvray gvsangò Shóngnønt nø kadv’ngte tēè walòng svng shálúnshìe.
Mvniq rvme taq vl vtì svng kadv’ngte èkvpmò èlv’ngò nigø mvbe pàdø, Kristu vdòng taq vl dvshá zā lòng nvng mvré zā mvkok dvdí shóngnønt gø kadvgvp gø bélvm mø-í. Rvtø vrvm, Ni vrvm, shvra mà-rvwèng zā vsvngrì kaq svng dvbàn yangà. Nøngmaq taqkèní gø tiqdvng vsvng tùbùm dvbvng lvm Ra vchvk lúngì dvgvp, dèni, nvpni wā rvtø svng rø’n we mø-í dø tiqdvshaqí Tiqdvng vsvng Ra vchvk lòng svng tùbùm dvbvngshì lún rà íē.
Vpø’ íwe pèmè vnvmchvngmaq, Àngde nø Shøtshú dv’nglúnce è vl we lvpat taqkèní búng nø, dvshà mvhøt yvklvm vhø’mò rì, dvshà vsvngrì nvng Rvmnvng Rvmja ku vlā nø Cúnshì we í nònggùn zí gø’, tvrà dvtú gø’ wáshì lún ra íe. Wè kvtwā Vkangpè Yesuò shóngnønt svng dvtàn lún gø’ wáshì lúnlvm i daqè. Mongkà ètashìnøng we Shvngbeí Vkangpè Gvray mongzøl lòng vtoshì leqlúnøng Shvngbe svng Pamvra.
