“Yerusalem dvpvt Yesu nøt dvshà we,”
Kristu vdòng taq Vpø’ íwe pèmè Vnvmchvng, shvngømré rvzvngcerì shvngbe mvdvm Gvray mongzøl lòng laqtuqdaq! shvngbe svng Pamvra.
Dèni nø October shvlá (29)ni Nár vbi ni svng gòng bø’shà. Dèni tashì lvm, dvdvm vjáng taqsórí nònggùn lùshì lvm Gvray móngkà jømciq nø Luka 13:31-35 vdòng taqkèní íē.
“Yerusalem dvpvt Yesu nøt dvshà we,” Mongkà vzàng røshì lvm wàì.
31 Wervtø̀ taq Farisirì tiqmaq Yesu yv́ng dì ráì nø Ang svng, “Nà yayv́ng kèní èlo, kadø íe wani Herodní Nà svng shvtlv́m èwāe,” a:lòe. 32 Yesuí angmaq svng, “Edìv́mnøng nø vyit wegō svng; ‘Dènī nvng nvpni nø Ngàí cángrì lùngò nø zarì dvbānòe. Vshø̀m ni wa ní taq nø Ngà bv̀nlì wá dvdv́ng bǿngòe, wae,’ èvl bǿnøng.
Vpø’ íwe pèmè vnvmchvngmaq, Dènio Gvray dvbùshang Mongkà taqø Kristu Gvray nø Yerusalem wama dvpvt neci vlāò lòng svng yv’nglúnshìe. Mvré zā shóngnønt dvnzøng we Kristu Gvray nø Angdè dvci cerì mvdvmø gvlshì we rvnaq we dvshá zā mvkok dvdí shóngnønt svng dvshér mvyø’è, dvtàn mvyø’è. Kristuò shóngnønt nø tē nø gwàe walòng qsvng shálúnlvm rvt, Kakú:ngì angchēr gø̀mní lv̀ngpvngø angcèrì svng ku:pmò padø, Ngàí gø nvcèrì svng mvme kvt dvkø̀mònø̀ng gø namaq mv̀ng nø dvkǿmshi mètánøng, a:lòe.
Vpø’ íwe pèmè vnvmchvngmaq, Vkangpè Yesu shvrúng lòng nø Nøngmaqí chutchvng lòng svng vtoshì lúnlvm dvpvt í dang, síngràl lúnlvm rvt ègō íē. Gvray gvsang angchēr gø̀mní lv’ngpvngø nøngmaqí shøngløm lòng svng lá lúnlvm dvpvt nvng mongzøl lòng svng lá lúnlvm rvt ègo íe. Dèkv’mì we móngkà íe. Mongkà ètashìnøng we Shvngbeí Gvray mongzøl lòng vtoshì leqlúnøng Shvngbe Pamvra.
