Coqcv́n 70 gǿ svng dvzá:rò we
Kristu vdòng taq Vpø’ íwe pèmè vnvmchvngmaq Dèni October shvlá Nár (1) ni svng gòng bø’shà. Desháng vrá tāshì nø Pvlàcè nònggùn lùshì lvm Gvray móngkà nø Luka 10:1-12 vdòng taqkèní íē. Mongkà vzàng røshì lvm wàì.
Yadv́ng pv̀n mèpvng, Vkàngpèí dvgá dø shvngøtcé gǿ rvcà:ngò nø, Ang vdè dìlv́m wa we mvrìng vrv̀m, rvgaq vrv̀m svng Ang vzv̀ngzv̀ng angmaq svng vní gǿ vní gǿ dí dvzá:ròe. ab 2 A:ngí angmaq svng yadø a:lòe, “Dvkø̄m rà we mvzí nø jø̀ngjǿng luq we, dvkømshúrì mv̀ng nø mvluq. We rvtnø, Angkàng pèí mvzí dvkø̄mlv́m vsvng ladvzá:rò dø, mvzí Angkàng pè svng èrøtnø̀ng. c 3 Edìv́mnøng; vyitré dvhø̀ svng vyv̀ng cèrì dvzá:rò padø Ngàí namaq svng dvzá:rìe. 4 Namaq nø gv̀msùng yǿngkoq gø, dv̀nggúng gø, chøpdø̀n gø mèlv́ngnøngni; tvrà rāmø kagǿ svng gø̄ pàmvrà mèwà nøngni. d 5 Namaq kachø̀m svng góng nàduv́mnøng nìgø, ègòngv́mnø̀ng chàng, ‘Yachø̀m taq mòngzø̀l lòng laq tuq daq,’ wa nø dègǿngānøng. 6 Wechø̀m taq mòngzø̀l lòng lún vpǿ we vsvng vl nìnø, namaqí shèmána bǿshà mòngzø̀l lòng nø wechø̀m mvdv̀m tuq daqe; màvl nìnø namaq svng vwv́ng rae.
9 Weyv́ngø zarì v̄l dv́ngte svng dèbānānøng nø, ‘Gvray móngdàn nø namaq yv́ng tvp níshì ráì,’ èv̄lnøng. 10 Kamvrìng taq namaq svng mènàtōvtnøng nìnø nvmdø̄ng tvrà svng èbúngnøng sórí yadø èv̀lnøng: 11 ‘Nøngmaq hí taq vyin we namaq mvrìng dvtø̀l gø namaq svng vtù we shvkse wáshìlv́m rvt namaq mv́rdv̀ngø vchaqshì ráìe. Iwe Gvray móngdàn nø tvp níshì ráì we svng namaqí jø̀ngjǿng shá ràe,’ èv̄lnøng. g 12 Ngàí v̄la:tnìni, angnī weni taq we mvrìng taq bø̀n daq lòng nø, Sodom mvrìng mvhøt yà:ngì lòng mvdv̀m vlishi longe.”
Vpø’ íwe pèmè vnvmchvngmaq,
Vkangpè Yesuí nø coqcvn (70) gø ‘ svng dvzvrò pàdø Nøngmaq gø’ vrvm kaq svng gø Gvray gvsang móngkà taqkèní shvkse wáshì lvm rvt ègō íē, dèzvrìe. Nøngmaq v-li we shvra nø Gvray móngkà dvshér lvm shvra rì èíā íe. Gvray Mongkà vdòng taqø Cúnshìe nìnø pàgø Svre mvrà Gvrayí tùbùm dvbvng we vtoshì lúnlvm vlē. Vrá nø,
Rvzvngce lvpat taqø bvnlì màdá íwe nø tiqgø’ gø mà-vl. Íni gø lvngpvng ràmø dvtanshi we zidvng rì nvng nø kømzup ra íe. Gvray gvsang nvng vl lún we rvzvngcerì wáshì ràe. Tiqgø’ wā mø-í rvmnvng rvmchvngrì nvng bvnlì tvmu wá ràe. Shvngbe ílúnè wā shø’n mv-lúnshì. Dvsha mvhøtlvm yvklvm rì vhø’mshì ra dvgvp nàmwàce pvrvn gø’ í ràe. Wáshì ràe. Banchvk rì nvng màcarì walòng svng shá vdù nigø zì we bvnlì døngjá rì svng vzaqshìtaqsórí shvlá wace mvng wálún gø’ i ràe. Àngde rvt tiqdvng vsvngrì Nønt vtøp vkang dvzvr we wá mvdaq. Vm aq lòng ò vshùqwáshì mvdaq. Vjú røt gø’, tiqdvng vsvng kaq dvshá zā tùbùm dvbàng gø’, Vsvngrìo Nønt mvsøn Pvlàcè svng dvcøp vdv’ngà dvzvr gø’ mvng wáshì taqsórí Gvray móngdàn dvpvt shvkse wáshì laqlúni shvngbe svng Pamvra.
