Yesu nvng samari mè(Yohan4:1-42)

Vkvng Yesu nvng coqcv́n rì nø Yudá móng kení Galili móng svng dì ke samari móng dangdang lé shi vdū ya:ngì. Sikar mvring shvnvng høq bøā kvt gvzà mvjòr lúng ì nø nār shi lv́m Kang Yesu ang tiqgø wá ngv́m shi ya:ngì. Coqcv́n rì nø rà we dvrè wan lv́m rvwá svng di ya:ngì.

Wekvt samari tiqmè nø ti kvp shi nvng di rá ì kvt ,Yesu ínø ti aq lv́m rvt ti ezǿngà a:love.Yudá vsvng tiq gǿ nø samari vsvng tiqmè ya:ng ti røt shi rvt gvzà dà ya:ngì. We rvtø taq Yudá vsvng rì nø samari vsvng rì kaq gvzà mvwv́m shi rvtø í ya:ngì.

Yudá vsvng lvngàré tiqgǿ nø Samari tiq gǿ nvng kà tv́ng shi kvt nø yudá vtóng svng mv cvnò gø,vtùò gø íe wa nø dvdutò nila í ya:ngì. Gvrayò tvrà dang nø Yudá vsvng rì dvpvt wa mø̀í dø svngpv̀n dvcì Shvngbe dvpvt íwe dang svng svkse dvtā:nò we gø íe. Kang Yesu nø samāri me taq kení tì aq lv́m ti røt nò kè ngà nø gønshaq ti bōr ǿngàe.Welòng ti aqò gø nø kà dvgvp gø ti bál lv́m mv vl wa nø wemè svng vl ya:ngà.

Zv̀n dvtut Kang Yesu nø wemè nø angchøm pè (5)gø vdá ya:ngì we nvng vkvt nà nadá we gø gø nvchø̀m pè mø̀í rvt vdè lvpat svng vrá dvdàm shi nø cún shilv́m dvshat dvtú ya:ngà. We me svng Kang Yesu í vlò we nø, Gvray nø Pvlàcè íe.Gvray kaq noqngø̀m we tiq gǿ nø Pvlàcè taq kení gø,dòng nøtní gø noqngø̀m ràe v̄l ya:ngà.