Gampong rvt nønt dvsha mvrà
Vsvng mvme nø gampong madá ì rvt nø nønt dvshà i we yvng shìe.kashvbong tiq long eyvngò dvgvp Móng di we,chøm dvsøp rawe,àngpvn pvn rì taq wá mvlun ni dvgvp nønt dvshà i we yvng shìe.Vde taq gampong màvl ni gø nønt byo dø vl Lvm long nø mvdøng íè.
Vsvng tiq Maq nø vde yvng gampong ma-vl ra dvgvp nønt mvbyo dø ali we svng yvng shìe.vde yvng vl long cei Byo dø vl shá Shi Lvm lòng nø mvdøng ni íè.Vde yvng ra we àngpvn pvn rì nvng wá ra we vl ni gø nønt cvm mvdaq.Wa lún no Zi dvng taq kèní dvzaq Shi Lvm wai.
Ngà í lá Ka shvbong tiq long shøn mv-yøe.nga nø røm nvng tiq gø vdáe i we Ang nø gampong madá tiqni lá Shi nø tiq nidv Kung shìe.I we Ang nø nønt byo byo vl we svng Nga i yvng o dvgvp Ang svng Ngaí na nønt byo Byo ce vl we nø parvt íma vl loe.ang shøn we nø vde yvng vl we Zi dvng taq nønt shøm Dvbu we lún Lvm long nø mvdøng íè. Vsvng tiq Maq nø vl lún shilvm long svng wa dvdvm me nø vsvng yvngkèní vdú Lu shaínø vdú lún ni we taq kèní vsvng móng di we nvng dvré àngpvn pvn wør shà íwe vale.vnvm vchvng rìé cún shaiwe lvpvt taq mvre za we bvnlì gø WA ínø nøntbyo Byo ce vllaq lú:NI wang nø nonggùn zí mv-yøe.vde chøm vsvng rì mv-í ni røm nvng rvm chvng rì svng depvng me Lu:no NI gø nønt dvshà mvrà.Shvla we Ka í nonggùn zí le Lu:no. Gampong mvda I rvt nønt vl dvshà Lvm dang mvdvm nø vl li we Zi dvng taq nøntshøm Dvbu we Lun Lvm long nø vchvnge.
Nøngmaq vdá I we nvng wá í we bvnlì ri yvng I dvgvp wevni pvn taq yvng Shi we we long NI taq kèní nøngmaq nønt dvshà I we vle.We long svng nøngmaq nønt taq mvdvdvm me dø vl li kvt nø nønt byo lvm wa íe. Gampong mvdá I wa nø shøn Lvm tvle nø vl we gampong lat me vmyø vl dø lá shvmu shàì nø dvza shì Lvm wai.
Gampong wa pvn nø kadvng te vl ni gø vde í lvng me shà o kvt nø be Vm pvn íè.We rvt nø lá gø dvzaq shq I taq sorí mvkvng Shi gø laq shái. Lun NI we taq kèní nønt shøm Dvbu Lvm long gø mvdøng íè. Ka dvngte elá ò nø e Lun no we í ni gø nønt shøm Dvbu we màvl kvt nø vshøn íè.
We rvt nø shvng mvdvm taq Lun ni we zidbng taq kèní nønt shøm mi nø dvzaq shàì wang nø nonggùn zí mvyøe.
