St. John Bosco
St. John Bosco nø ang cv̀m lvpat kèní Mari nvng Lòngzàpè Ye
su àngní me taqkèní àngboq boq nvmik gømla dvtánshì yv̀:ngì wanø mvshǿl rìtaq vru yv̀ngà. St. John Bosco nø Italy móngdàn tìbo lvpmø vlwe rvmá tvmø wavm we tiqrvp kèní íe.
Àngtaqkèní dvsháza shóngnøt nvng lvpat tvrà vmv̀m we shòlaqré rì kaq svng tvrà shøl shvlut lúnlv́m tvrà taq gvzà dvzaq shìyv̀:ngì we íe. St. John Bosco nø Turin myu taq shvrúngshú vya svng kv́mshì bǿì mèpvng kèní nø shø̀ngni, nímzì paqzí rì taqkèní shòlaq shòtvng rì kaq svng shvla we tvrà svng shøl ráà we íe. Gvray tvrà taqgø téwa síngshá lv́m shvngøt tvtú dvzaqshì yv̀ngì.
AD 1845 nǿng svng tuqráì wekvt shòlaq shòtvng shvngbe (800) rvzé gø nø St. John Bosco mèpvng svng cvn yv̀ngì we íe. Wedø íwe bv̀nlì rì rvt St. John Bosco àng kaqsvng tubúm dvbang shìwe vsvngrì gø bung ráì mèpvng nø we shòlaqré rì kaqsvng paqzí shvngøtá we paqzí zùng rì gø poqpv̀ng ráà we íe.
Turin myuq taqø Slection shvrúngshú zùng svng St. Francis Desel nvng rvcángcè rì kaq roqgvr we àngmè Mari ò mvkoqwe vdòng taq poqpv̀ng ráà we íe. We rvtø̀ taqkèní Jak paqzí, rvmø paqzí àngpv̀n pv̀n zùngrì svng gø poqpv̀ngá ráà we íe.
Wedø Gvrayò Sasvna bv̀nlì taq àngdang dang kèní dvzaq dvkáng shì ráì wervt gvzà màlé we rvtø̀ taqni Slection shvrúngshú rì (2500) gǿ høqshaq shvrúngshú vya svng kámshì lún ráà wegø íe.
