Shóngshø’ng we pèmè vnvmchvngmaq Dèni October shvlá (9)ni lvban Bunga ni svng gòng bø’shà.

Dèni vrá tiqkvt tashì nø nònggùn lùshì lvm Gvray móngkà nø Luke 11:15-26 vdòng taqkèní íē.

“Yesu nvng Beelzabul”
Vpø’ íwe pèmè vnvmchvngmaq,
Mongkà tiqciq vzàng røshì lvm wàì

“A:ngí nø cáng koqkv́m Beelzabul nonggùn kèní cáng lú:ngòe,” wae. Dvgá maqí nø Ang svng vlø:tnò sórí, muqlàng kèní shálv́m mvshv́lpvrá tiq lòng dètanshà, wa røtshìe. Angmaq nøt vdòng dvda:mò rì A:ngí sháò rvtnø angmaq svng yadø a:lòe. “Ang nø ang vpokē we móngdàn kamóngdàn ínìgø vcatnv̄me; angmaq nø angmaq vpōke we vsvng karvp ínìgø vcatnv̄me,a:lòe.

Vpø’ íwe pèmè vnvmchvngmaq, Nøngmaq Góng vdòng taq vl màshvla we Satan í, Ídø’mshì vchà dvzvrè, Angdèo dølòng shøngmvng svng vsvngò nònggùn kūnga vzàm taqkèní dvsher mvdv’ngshì, Gvray kaq vnvnshì taqsórí tvleshì røtnímshì lún kvtwā nøngmaq góng vdòng taq vl dølòng shøngmvng svng dvshér lúnlvm íe. Døngman we Gvray gvsang Dvrá svng v-tu vgám dvzvr we, mvdøng mvmàn we tvrà, dø lòng tvrà kaq dí dvzvr we Satan svng nøngmaqí dvshér lúnlvm dvpvt nø Gvray gvsangò Shvmán jèjú ìshøt rì ràe. Wervt Nøngmaq vdòng taqkèní màshvla we vjang laqyà, Døngman lòng svng v-tu vgám mvyø’ we, Døngman lòng svng vtoshì mà dvzvr we màshvla rì ídv’ngte shvngbe svng dvshér lúnlvm dvpvt Gvray gvsangò dvgøng Shvmán we Shvmán jèjú ìshøt rì svng rvtø vrvm røtnímshàì. Pawalvm wàni Gvray gvsang kaq rvtø vrvm vnvpshì nø vjúrøt tvleshì lúnì kvtwā nøngmaq nø Gvray gvsang lvp taqkèní Dø’ngvng dø rìp lúnì we Gvray gvsangò rvzvngcerì wáshì lúnlvm vlē walòng svng shèdø’mì we móngkà gø íe. Wervt Døngman we Vkangpè Yesu Kristu í shvngøt dvtú we Kvmnønt tvrà taqø rvtø vrvm vjúrøt tvleshì taqsórí Cúnshì nø Pvlàcè kvmnønt nònggùn kūnga lùshì laqlúnì wvng dvshat nø nònggùn zí mvyøngè, shvngbe svng oqā.