Shóngshø’ng we pèmè vnvmchvngmaq, Dèni nø October shvlá (8)ni lvban vbì ni svng gòng bø’shà.Dèni tashì nø nònggùn lùshì lvm Gvray móngkà nø Luka 11:5-13 ciq vdòng taqkèní íē.
Mongkà vzàng røshì lvm wàì.
Yesuí rá angmaq svng, “Namaq dvhø̀ kèní tiq gǿ nø, ang rv̀mnvng tiq gǿ yv́ng svng yaqdø̀ng mvlù:ngí di nø, ‘Jàá ngà svng zidòng vshø̀m chv̀ng èrumà; 6 pawá wani ngà rv̀mnvng tiq pè tuq ráì we, ang svng zílv́m pàgø màvlá:mì,’ wa lā a:lò nìnø, 7 a:ngí chø̀m vdòng kèní nàtv̀ngvt nø, ‘Ngà svng mèbø̀nlōngànøng; akvt nø bv́ngkà gø kvlaqshaq íe, ngàcè rì gø ngà nvng tiqdø yøp dv́rshà. Nà svng zidòng zílv́m ngà kungshì màshvla,’ èv̄lvtne.
Ínìgø rv̀mnvng wepèí mànar rø:tnò nìnø, kadø ínìgø ang kungshì nø rà dv́ngte ang svng zíòe.wàe.
Dèni nøngmaqí tálúnì we móngkà taq, angdèo shvraqshì lvm tvrà svng màshì nø àngde Chøm kaq dì ra zaqle gø’ dvpvt, Cìpshì Nøntní tiqdvng vsvngò Chøm kaq yaqdøng rvwe í di nø bvngka vkokngò taqsórí røtnímshì lòng nø, Angò Nønt mvsøn vjang laqya kèní Døngman dø Vjú røtshì lòng, vtoshì lòng íe.
Wervt Vpø’ íwe vnvmchvngmaq, Zaqle rì dvpvt, dvshá zā røtnímshìe, àngde dvpvt mà dvdvmshì, àngde Chøm kaq tuqlúngì zaqle gø’ dvpvt màlún ma-daq, wā dvshákámshì røtnímshì we Nønt mvsøn vjang laqyà nø gvzàni shvring vpø’ rà íe. Wervt Gvray gvsang kaq nøngmaq vjú røtnímshàì dvgvp angdèo mà:pnønt , Shø’mnønt, dvshvngshì nønt svng dvsher nø Gvray kaq nvmlat tiq taqø mvdøng gvl nø, dvshà mvhøt yvklvm vhø’mò vsvngí vjú lúnlvm dvpvt vjúrøt dvbvng lvm rvt gvzà vchvkngè.
Vjúrøtnè wàwe taq; vjúrøt gø’ ò Dòngnønt mvsøn nø Gvray gvsang kaq dàqvtu tuqlúnì vjúrøt lòng, wā shø’n shvlàe. Gvray gvsang nvng v-toq v-tìp vzøm vzap lòng, Gvray gvsang shvrúng lòng svng lá mv’nshì lòng, Tiqdvng vsvng mvrà rì svng chutnà lòng, tùbùm dvbvngshì lòng, yalòng gø vjúrøt shì lòng íe. Vrá nø, Vjúrøt we taq, Dāwun je vjúrøt we mø-í lvm vchvkngè. Kvmnøntní, Cìpshì Nøntní, Nønt mvsøn tiqgóng Shvngbeí mà zìng dø tvleshì nø røtnímshì lúnlvm gø gvzà vchvkngè, wàdang svng shedømì we móngkà gø íe.
Mongkà ètashìnøng we Shvngbeí Vkangpè Gvray mongzøl lòng vtoshì leqlúnøng Shvngbe Pamvra.
