The Church,the interpreter of the Teachings of Christ

Kang Yesu Kristù ínø angò coqcv́n rì svng móng døng tv́ng kaq svng edi nøng nø Gvray dvbù shvngkà de shvng bǿ nøng vl ya:nga. Wedø vlò we nø coqcv́nrì taq kè ní tiq tvtv̀ng angmaq svng vtō ò we svra gvbà rì høq íya:ngí.

Shvngø̀m ré ò shvngøt tvtú kà rì svng (Bishop)rì í wa shǿnnā lún shi ya:ngì. We lòng Jā svng dvshāng ò we nvng lega vrū ò yv́ng kení wà ya:ngà.Kà rū vrū ò mvdv̀m nø dvshāng òwe té kaq wà ya:ngà. Dvbù shv̀ng kà mòngkà bok nvng shvngøt dvtú we karū rì svng nø dvzv́r rì nvng mòngkà vrū shú rì í vrū ya:ngà.Íni gø dvzv́r rì ídvshàngà we kà rì shv̄ngbe vrū ya:ngà we nø mø̀í. Nvmlat dvgvp dvzv́r rì nø angmaq ò dvbv̄ng shú r(Bishop)rì , Shvrúng shú WaJau rì, Deaconri svng nònggøp vkà í cà:na ya:ngà.íni gø kv́m nøt svngroq ga:rā lún lv̀m rvt kà rū ang pv̀n pv̀n vrū lv́m rvt gø nònggø̀n zí ya:ngà.

Dvzv́r rì me pv̄ng būng rá ì we kà rū vrū shú rì svng(Apostolic Father’s ) wanø tǿ ya:ngà.angmaq nø dvzv́r rì nvng mv́r dvhø̄m shi we taq íni gø, tiq gǿ gǿ nvngí ni gø shvngøt dvtú dvzv́r shi we nvng tá lún ya:ngà rì í ya:ngì.Angmaq í vrū ya:ngà we kàrū rì nø nvmlat noq shi ya:ngì we rvcv́ng cè rì ò kv́m nøt dang nvng shvlá we laq ya laq tv̄ng rì vbá rvt nø gvzà ring we kà rū rì í ya:ngì. Angmaq taq kení AD(98) taq (4)gǿ wa gǿ WaSvrabin St.Clement nø korintú wamà taq vl we vsvng rì kaq vrū ò we karū taq Bishop of Rome svng Shvngø̀m ré ò vgō wá nø tǿ lvm rvt karū taq vbá ya:ngì.