Vzè we nøt taq kení Gvray í shvbòng shvmvt na we vjvng laqya rì

Cvmrérì dvpvt rvtø vrvm phone, TV, game møínì byo we dang tiq pvm pvn vl mvrà. Tiq kvt kvt nø vzè we taq kení Cvmrérì ò dvdvm nøt nvng nyvn paqzì vháng lá lún lú:ngòe.Cvmrérì kapa gvcøp mvyø má?.wa we svng Ang vde nøt í gvcøp lvm angpvn pvn lá dèzvrò. Tiq pvn pvn svng a kvt nvn lún mvyø daq ke nøt yang nøt vl lvm detú:ò. Shinggvn kaq svng tvra di we, shøng tiq pvn pvn kvt nø we nvng cā cè rì svng yvng dvzer ò we taq kení Gvrayò pvn mvn dvrè rì svng yvng dezvr ò.


Cvmrérì svng nøt yvng nøt vl lvm detú ò.(Yaku 1:14)-Namaq nø kømgøm tétøng lún nø, kapvn taq gø mvluq mvpøn we màvllvm dvpvt dvløt ra lòng svng lvngdøm høq ètønshìnøng.
Cvmrérì svng bvnli dvzaq shi shá lvm detú:ò.(Kàshvgøp 13:4)Vzing bødèí nø lún mvyø nìgø mvlúnkéo.Køngvtøp dvzaqshì gø nø vgà longe.
Cvmrérì svng nyan paqzí ang pvn pvn kaq svng lá dezvrò.(Kàshvgøp 2:3-5)-Nà nø rvwvn shánøt lún høq èkór shi nø, cíngrálnøt vl høqshaq nàtírshì nø èrøtshì.

Gvmsùng svng láò dø zitnøt svng èláò nø,má yà:ngà we pøbøm dø èláò nø nàjá:ngò kvt kèní nø, Gvray svng vpø svrenøt nø nàí rvwvn èshá lú:ngò nø,Gvray kaq shánøt lá èlú:ngòe.
Cvmrérì svng shvngut dvtú:lvm nø , angpè angmè maq ò bvnli døngjá íè.(Kàshvgøp 22:6)-Cvmrérì svng a:ngí cvn vdù we tvrà taq dèzit dèzà:ngò kvtkèní nø,ang cvrøngrā høq ínìgø welòng kèní mvrvlshìvm.
Cvmshilvm dang rì
Angpè angmè maq í nø Cvmrérì svng byō lvm dang wà zíòwè møídø,Gvray Gvsvng kaq svng vpø cvrè nøt vllvm,vde bvnli svng lá shá ò nø shvla we vjvng laq ya rí svng sha dvzvr:lúm shvngøt dvtú ràe.
Cvmrérì lún lvm vjú rì.
1.Vdè nøt ní wá shá lú:ngòe.
2.Nøt yvng nøt vl lòng è.
3.Phone nvng Media mvdvm taq yvng mvyø nøt yøm lòng e.
4.Vdè nø vdè bvnli wá shá lú:ngòe.
Vzè we nøt nø rvtø dvcøm mòwe møí,Gvray í shvbóng shvmat na we vjvng laq ya rì svng dvdam lún lvm rvtø tiq lòng íe.