Yesu Kristu døni shvngømré ò vyvng roqshú rì taqgø vsvngrì tiqgø vrvm svng vdèò dòngnøt mvsøn vdòng zvngshì ràe wanø dvkám we

Mònggvn taq rvcángcèrì vdòng Gvray kámnøt tvrà dvpvt vyvng roqshú wáshì vsvngrì shvngbe nø Yesu Kristuò nøt mvsøn jàng laqyà døni wáshì ràwe dang Pope Leo XIV taqkèní dvkám bøà we íe.

Yesu Kristu ò núngpà, Kàngpè Gvray kaq kám vlømshìwe tvrà nvng vjúrøt shìwe tvrà rì shvngbe svng cvn dcgøm dvzaqshì ràwe dang dvkám we íe.

Vdèò vyvngrérì íwe rvcángcè kámvsvng rì ò dòngnøt mvsøn høqshaq gòngnø àngmaqò dvbùnøt, yòlnørì shvngbe svng síngsháā, tubúm nøt shvlømā ràwe dang dvkám bøà we íe.

Dèni bat zìdang vháng ráì we mònggvn dvjà taq AI paqzírì dvhø dvbùshvng mòngkà dvshvng dvzaq shìlvm tvrà nø mvdøngni vchvk tiqlòng íwe svng gø síngshálvm dvtú bøà we íe.

Kámnø tvrà wawe bángkà svng mònggvn vsvngrì shvngbe dvpvt kadvgvp gø tánā lvm shvngbe svng vto lúnlvm dvzaqshì ràwe svng shvdømā we íe.